Рускі мастак Ігар Бабайлаў атрымаў прапанову ад супрацоўнікаў Музеяў Ватыкана напісаць
парадны партрэт Папы Бенедыкта 16.
Жыве зараз выпускнік Mаскоўскага мастацкага вучылішча імя Сурыкава ў Канадзе.Менавіта
тут яму ўдалася ўславіцца як партрэтысту. Ягонаму пэнзлю належацца жывапісна ўвекавечаныя
палітычныя лідары многіх заходніх краін, славутыя бізнесмены і шоў-зоркі. Нядаўна
Папа Бенедыкт 16 прыняў мастака, для якога гэтая сустрэча - не толькі гонар, але і
першы сеанс для рэалізацыі мастацкай задумы. Ігар найперш напісаў партрэт
папярэдняга Папы Яна Паўла 2 на ўласную ініцыятыву да сусветнага дня моладзі ў Канадзе.
Папа Карал Вайтыла аколены групай юнакоў і дзяўчат, - ягоным "пакаленнем Папы " -
як самі называлі сябе і працягваюць называць маладыя католікі свету, аддаючы даніну
павагі і любові Яну Паўлу 2. Цяпер рускі мастак прапамінае, што ў часе знаходжання
на Сунічным востраве ў 2002 годзе Папа казаў:" Мы ўсе тут - адна сям'я". Дык мастак
так і напісаў яго - у цэнтры вялікай інтэрнацыянальнай сям'і - айцец, Свяцейшы Айцец.
Дагэтуль рэалістычны стыль рускай школы заахвочвае большасць вялікіх людзей,
якія хочуць мець уласны партрэт ці па рангу яго маюць пакінуць. Патрэты з імем аўтара
- Ігара Бабайлава ў кутку - маюць прэзідэнты Пуцін і Буш, жонка Клінтана - Хілары
і Мандэла. Ягонай работы партрэт вялікага кінарэжысёра Акіры Курасавы зараз належыць
(як фінансавая гарантыя) Японскаму Фонду дарпамогі цяжкім падлеткам. Мастацтвазнаўцы
высока ацэньваюць яго малюнкі алавіком, таксама выкананыя ў класічнай манеры.