Solemniteti i Shën Pjetrit dhe i Shën Palit në trevat shqiptare
(29.6.06 RV)Festa e Shenjtërve Apostuj Pjetër e Pal u kremtua sot kudo jetojnë
e punojnë shqiptarë katolikë, sidomos atje ku ngrihen kisha kushtuar dy apostujve
e ku ata janë zgjedhur si pajtorë qytetesh, fshatrash apo njerëzish, që janë pagëzuar
me emrin e tyre. Kujtojmë se veç bazilikave të Shën Pjetrit e të Shën Palit jashtë
mureve, ngritur mbi vendin e martirizimit të tyre, si dhe të Kishave të Shën Pjetrit
në Vincolo e Shën Pjetrit në Montorio të Romës, në botë ka shumë kisha e katedrale
kushtuar Shën Pjetrit e Shën Palit. Apostullin e Popujve ka për pajtor katedralja
e famshme e Londrës, e me emrin e tij është pagëzuar edhe katedralja katolike e Tiranës
. Shën Pjetrit e Shën Palit i është kushtuar edhe famullia e Gjakovës.Ndër këto katedrale
e kisha sot ishte ditë feste, ashtu si ishte festë edhe ndër shtëpitë e të krishterëve,
që quhen Pjetër e Pal emra që në jug të Shqipërisë kanë trajtën Petro e Pavllo.