Старонкі з Кампендіума сацыяльнай дактрыны Царквы.
93 Калядныя прамовы Пія ХII па радыё, а таксама іншыя важныя выступленні на
сацыяльныя тэмы паглыбляюць разважанні Настаўніцтва аб новым сацыяльным парадку, які
кіруецца мараллю і правам і накіраваны на справядлівасць і мір. Пантыфікат Пія ХII
прыпаў на жудасныя гады Другой сусветнай вайны і цяжкі перыяд аднаўлення. Гэты Папа
не друкаваў сацыяльных энцыклік, але ж трывала і ў самых розных кантэкстах дэманстраваў
заклапочанасць з нагоды ператрусаў, якія парушалі міжнародны парадак: “У ваенныя і
пасляваенныя гады сацыяльнае Настаўніцтва Пія ХII для мноства народаў на ўсіх кантынентах
і для мільёнаў тых, што вераць і невераць у Бога было голасам агульнага сумлення,
патрабаванні якога Папа разумеў і абвяшчаў у шчыльнай лучнасці са словам Божым. Дзякуючы
ўласнаму маральнаму аўтарытэту і прэстыжу, Пій ХII нёс святло хрысціянскай мудрасці
мноству людзей, што належалі да ўсіх сацыяльных катэгорый і знаходзіліся на ўсіх узроўнях
грамадства”. Выступленні Пія ХII характэрызуюцца, у прыватнасці, тым, што
ён падкрэслівае сувязь паміж мараллю і правам. Гэты Папа настойліва звяртаў увагу
на зразуменні натуральнага права: менавіта гэта права павінна натхняць сацыяльныя
адносіны як на нацыянальным, так і на міжнародным узроўнях. Iншы важны аспект навучання
Пія ХII – увага да такіх катэгорый, як прафісыйныя працаўнікі і прадпрыймальнікі,
закліканыя асаблівым чынам дзейнічаць разам дзеля асягнення агульнага дабра: “За спагадлівасць
і розум у зразуменні “знакаў часу” Пія ХII магчыма лічыць беспасрэдным папярэднікам
II Ватыканскага сабора і іншых Папаў, якія развілі сацыяльную навуку”. 94 У 60-я
гады адкрываюцца шматлікія многаабяцаючыя дальагляды: свет паправіў разбурэнні, якія
былі прынесеныя вайной, пачалася дэкаланізацыя, з’явіліся першыя нясмелыя знакі пацяплення
ў адносінах паміж двума блокамі, амерыканскім і савецкім. У гэтай атмасферы блаславённы
Папа Ян ХХIII глыбока зразумеў “знакі часу”. Сацыяльнае пытанне набыло універсальны
характар і ахапіла ўсе краіны: разам з пытаннем і праблемай сельскай гаспадаркі,
рэгіёнаў, якія знаходзяцца на шляху развіцця, дэмаграфічнага ўзроста і праблемаў,
злучаныя з неабходнасцю сусветнага эканамічнага супрацоўніцтва. Нероўнасць, якая раней
выяўлялася ў нацыянальных рамках, набывае міжнародны ўзровень; усё больш ясна выяўляецца
драматычны стан, у якім знаходзіцца Трэцці свет. Ян ХХIII у энцыкліцы “Mater
et magistra” “імкнецца ўжыць у сучаснай сітуацыі ўжо вядомыя дакументы і зрабіць
наступны крок наперад на шляху аб’яднання ўсяго хрысціянскага грамадства”. Галоўныя
словы Энцыклікі: грамадства і сацыялізацыя; Царква заклікана супрацоўнічаць,
у праўдзе, справядлівасці і любові, з усімі людзьмі дзеля пабудовы сапраўднай лучнасці.
На гэтым шляху эканамічны ўзрост не абмяжоўваецца задавальненнем патрэбаў людзей,
але здолее спрыяць і сцверджанню іх здольнасцей. 95 У эпоху, адзначаную імклівым
распаўсюджваннем ядэрнай зброў, Ян ХХIII у Энцыкліцы “Pacem in terris” уздымае
тэму міра. Акрамя таго, згаданая Энцыкліка ўтрымлівае ў сабе першае разважанне Царквы
аб правах; гэта Энцыкліка міру і чалавечай годнасці. Яна працягвае і дапаўняе Энцыкліку
“Mater et magistra” і, наследуючы яе напрамак, указаны Львом ХIII, падкрэслівае
важнасць агульнагса супрацоўніцтва: упершыню дакумент Царквы накіраваны таксама і
да “усіх людзей добрай волі”, якім “трэба будзе вырашыць аграмадную задачу
– аднавіць зносіны супольнага існавання ў праўдзе, справядлівасці, любові і свабодзе”.
“Pacem in terris” гаворыць аб грамадскіх ўладах сусветнага грамадства, якія
закліканы “разглядаць і вырашаць праблемы эканамічнага, сацыяльнага, палітычнага і
культурнага зместа, якія тычацца універсальнага агульнага дабра”. У дзясятую гадавіну
выхаду “Pacem in terris” кардынал Моріс Руа, Старшыня Папскай камісіі “Справядлівасць
і мір”, накіраваў Паўлу VI Пасланне з адпаведным дакументам: гэта была серыя разважанняў
аб тым, якое святло падае навука, азначаная ў Энцыкліцы Яна ХХIII, паказвае новыя
праблемы, злучаныя з умацаваннем міра. 96 Пастырская канстытуцыя “Gaudium et
spes” II Ватыканскага сабора ў’яўляе сабой разгорнуты адказ Царквы на чаканні
сучаснага света. У гэтай Канстытуцыі, “у рамках царкоўнага аднаўлення, адбіваецца
новая канцэпцыя грамады вернікаў і народа Божага. Такім чынам, Канстытуцыя выклікала
новы інтэрэс да навукі, якая ўтрымлівалася ў папярэдніх дакументах аб тым, што сведчанне
і жыццё хрысціянаў – гэта сапраўдныя спосабы зрабіць бачным прысутнасць Бога ў свеце”.
“Gaudium et spes” акрэсліўтвар Царквы, якая “сапраўды адчувае сваю
ўласную сувязь з чалавечым родам і з яго гісторыяй, і ідзе па жыццёваму шляху разам
з усім чалавецтвам, і таксама мае той жа зямны лёс, што і свет, але, у той жа час,
“з’яўляецца асновай і душой чалавечага грамадства, якое адновіцца ў Хрысце і зробіцца
Божай сямьёй”. “Gaudium et spes” прапануе сістэматычнае даследванне тэмаў
культуры, эканамічнага і сацыяльнага жыцця, шлюбу і сямьі, палітычнага сужыцця, міра
і суполкі народаў у святле хрысціянскага антрапалагічнага бачання і царкоўнай місыі.
Усё разглядаецца, зыходзячы ад асобы і арыентуючыся на асобу: бо яна – “адзінае на
зямле стварэнне, якое Бог пажадаў стварыць дзеля Яго самаго”. Грамадства, ягоныя структуры
і ягонае развіццё павінны быць накіраваныя на ўдасканаленне чалавечай асобы. Упершыню
Настаўніцтва Царквы на самым высокім узроўні так падрабязна затрымліваецца на розных
зямных аспектах хрысціянскага жыцця: “Трэба прызнаць, што ўвага, якую Канстытуцыя
надала сацыяльным, псіхалагічным і рэлігійным зменам, мацней стымулявала пастырскія
клопаты Царквы аб праблемах людзей і да дыялог а светам”.