Сёлетняя ўрачыстасць Найсвяцейшай Панны Марыі ў Будславе адбудзецца, як і штогод,
2 ліпеня. У іншых касцёлах яна перанесена з нядзелі на суботу 1 ліпеня 2006 г. 27
чэрвеня 2006 г. з Мінска выйдзе XVІ пешая пілігрымка ў нацыянальны санктуарый Маці
Божай у Будславе. Перад дарогаю, якая прадоўжыцца пяць дзён, усе ўдзельнікі пілігрымкі
збяруцца ў мінскім архікатэдральным касцёле Імя Найсвяцейшай Панны Марыі, дзе а 8-й
гадзіне распачнецца святая Імша ў інтэнцыі пілігрымаў. Чакаецца, што, акрамя вернікаў
з мінскіх парафій, у гэтай пілігрымцы будуць браць удзел вернікі з Бабруйска, Магілёва,
Санкт-Пецярбурга і Масквы. Арганізацыйны сход удзельнікаў пілігрымкі адбудзецца ў
нядзелю 25 чэрвеня ў архікатэдральным касцёле (пл. Свабоды, 9) пасля святой Імшы а
18.30. Усе, хто жадае пешкі прайсці з Мінска да нацыянальнага санктуарыя Маці
Божай Будслаўскай, могуць запісацца ў пілігрымку ў сваіх парафіях. Кошт удзелу складае
20 тысяч рублёў. Прымаюцца таксама ахвяраванні ў «фонд салідарнасці», каб пакрыць
выдаткі за тых, хто не можа ўнесці гэтую суму