Нацыянальная бяспека – недастатковая нагода для таго, каб утрымліваць уцекачоў і
нелегальных мігрантаў у спецыяльных лагерах. У гэтым упэўнены каталіцкія, юдэйскія
і мусульманскія духоўныя асобы, якія прынялі ўдзел у канфярэныі, што прайшла ў італьянскай
сталіцы 15 чэрвеня. Спатканне было арганізаванае езуіцкай службай да спраў уцекачоў,
якая з’яўляецца членам Міжнароднай кааліцыі па праблемах утрымання ўцекачоў і вязняў
сумлення. Кааліцыя, у якую ўваходзяць многія праваабаронцыя і рэлігійныя арганізацыі,
вывучае палітыку ўтрымання нелегальных імігрантаў у розных краінах, аказвае ім дапамогу,
а таксама выступае за больш гуманнае абыходжанне з уцекачамі. У рымскім спатканні
прыняў удзел старшыня Папскай рады “Справядлівасць і мір” кардынал Ренато Мартіно.
“Iснуе рэальная бяспека таго, што ўтрыманне ўцекачоў у лагерах будзе сістыматычнай
палітыкай, якой будуць карыстацца многія дзяржавы. Гэта палітыка зробіцца хутчэй правілам,
чым выключэннем, і апраўдывацца яна будзе так званымі інтэрэсамі нацыянальнай бяспекі”,
- зазначыў у сваёй прамове кардынал Мартіно.