А паўдні ў нядзелю 18-га чэрвеня Папа Бэнэдыкт 16 сустрэўся з вернікамі на багародзічнай
малітве “Анёл Гасподні”. У сваёй прамове, перад адгаварэньнем гэтае малітвы, Сьвяцейшы
Айцец прыпомніў, што “Эўхарыстыя зьяўляецца скарбам Касьцёла, каштоўнаю спадчынаю
пакіненаю Хрыстом. Дзеля гэтага Касьцёл сьцеражэ яе з найбольшаю турботаю, штодзённа
служыць Сьвятыя Імшы, абажае ў сьвятынях і капліцах, разносіць хворым і паміраючым.
У Італіі і ў многіх іншых краінах сьвету ў нядзелю 18-га чэрвеня ўшаноўвалася ўрачыстасьць
Божага Цела, Гэты скарб, прызначаны
для ахрышчаных, не абмяжоўвае свайго абьёму ўзьдзейнічаньня на Касьцёл. Эўхарыстыя
гэта Ісус Хрыстос, які даецца “за жыцьця сьвету”. У кожным часе і ў кожным месцы
Ён хоча сустрэць чалавека і несьці яму жыцьцё Бога- сказаў Папа. Зьвярнуў таксама
ўвагу на касмічны памер Эўхарыстыі: перамена хлеба і віна ў Цела і Кроў Хрыста ёсьць
пачаткам абагатварэньня самога стварэньня. Дзеля гэтага- сказаў далей Бэнэдыкт 16—з
урачыстасьцю Божага Цела спалучаецца характэрная традыцыя нясеньня Найсьвятога Сакраманту
ў працэсыі- жэст багаты ў значэньні. Нясучы Эўхарыстыю па вуліцах і плошчах гарадоў,
мы жадаем занурыць Хлеб, які зыйшоў з неба, ў штодзённасьць нашага жыцьця, хочам каб
Ісус хадзіў там дзе мы ходзім, каб жыў там дзе мы жывём. Наш сьвет і нашае існаваньне
павінны стацца ягонаю сьвятыняю- паясьніў Сьвяцейшы Айцец. Вітаючы пілігрымаў,
сабраных на Плошчы Сьвятога Пятра, Папа спаслаўся да Міжнароднага Дня Уцекача, які
прыпадае 20-га чэрвеня. Прыпомніў аб цяжкай долі людзей, якіх прымушана пакінуць
свае краіны. Запэўніў іх аб сваёй малітоўнай памяці ды аб турбоце, якою акружае ўцекачоў
Апостальская Сталіца. Зрабіў заклік да зьбераганьня іхніх правоў і заахвоціў царкоўныя
супольнасьці да дапамогі ўцекачам.