(15.6.'06. R.V.)Qeveria
e Serbisë në gjatë mbledhjes së sotme ka miratuar vendimin për njohjen zyrtare të
Malit të Zi si “Shtet të pavarur dhe sovran”, duke pranuar kështu rezultatet e referendumit
të 21 majit të kaluar, përmes të cilit Podgorica është shkëputuar nga Beogradi. Kështo
kanë deklaruar burimet qeveritare. “Pas vendimit të Kuvendit të Serbisë më 5 qershorin
e kaluar, me të cilin është konstatuar pavarësia e Malit të Zi, janë krijuar kushtet
që qeveria e Serbisë, në emër të Republikës së Serbisë, të njohë Republikën e Malit
të Zi dhe të vendos marrëdhënie diplomatike », lexohen në një komunikatë shpallur
nga këshilli i ministrave të Beogradit.
Në Maqedoni ka nisur fushata zgjedhore
për zgjedhjet e ardhshme parlamentare që do të mbahen më 5 korrik. Në këto
zgjedhje do të kenë të drejtë për votim 1.741.449 votues në 2.976 vende votimi në
Maqedoni.
Rritet në 65 numri i viktimave të atentatit të sotëm që ndodhi
në mëngjes në Shri Lankë, në zonën e Anuradapuras, në veri të kryeqytetit Kolombo.
Dy mina, të vendosura afër rrugës kanë shpërthyer gjatë kalimit të një autobusi me
studentë, gra, fëmijë e disa murgjë. Ndër viktima, të gjithë civilë, janë së paku
8 fëmijë. Qeveria e Kolombos ka deklaruar se përgjegjësinë e këtij atentati terrorist
e kanë Tigërat Tamil. Pas atentatit menjëherë ka reaguar ushtria duke bombarduar
bazat e Tigërave Tamil në ishullin Sejlon.
Një atentat i rënd ka ndodhur
në Afganistan, ku së paku 10 civilë kanë gjetë vdekjen nga shpërthimi i i një bombe
që ka shkatërruar një minibus në Kandahar. Përgjegjësinë e këtij sulmi e kanë marrë
talibanët.
Në Irak, 4 sunitë janë vrarë prej njerëzve të armatosur gjatë
faljes në një xhami afër Tikritit, në “trekëndëshin sunitë”. Presidenti Talabani ka
deklaruar sot se është i gatshëm të diskutojë me Shtetet e Bashkuara të Amerikës
përcaktimin e kalendarit për tërheqjen e ushtarëve amerikanë nga Iraku në një të
ardhme jo të largët.
Gjatë 452 sulmeve ajrore të forcave të koalicionit
ndërkombëtar dhe të irakut pas vdekjes së Abu Musab al Zarkavit javën e kaluar, janë
vrarë 104 kryengritës e janë arrestuar 759 persona të konsideruar “elemente anti-irakiane”.
Këtë ka bër të ditur gjenerali William Caldwell, zëdhënës i shtabit ushtarak të SHBA-së
në Baghdad.