(14.6.2006 R.V.)Në Irak hyri në fuqi plani antiterrorizëm. Në gjithë vendin
u përforcuan postoblloqet dhe forca të shumta të ushtrisë irakiane në bashkëpunim
me amerikanët po kryejnë kontrolle dhe operacione për spastrimin e bazave të rebelëve.
Ndërsa Presidenti Bush pas kthimit nga Bagdadi në Uashington, tha në një konferencë
për shtyp se SHBA-së do ta mbështesin qeverinë e re irakiane. “Atje u frymëzova se
një ditë do të mund të vizitoj një Irak të lirë dhe demokratik.”- shtoi në fund presidenti
Bush.
Edhe në Afganistan forcat e aleatëve ndërmorën një ofensivë të jashtëzakonshme
kundër talebanëve. Lajmi u dha nga gjenerali amerikan Benxhamin Frankli. Megjithatë
edhe këtu nuk munguan viktimat. Dy ushtarë të forcave ndërkomëtare u vranë dje nga
rebelët talebanë në dy atentate të ndryshme.
Sekretari i përgjithshëm i
OKB-së Kofi Anan tha se është “i tronditur dhe i trishtuar” për sulmin i djeshëm ajror
të izraelitëve në Rripin e Gazës, që shkaktoi vdekjen e dy fëmijëve, ndërsa një zëdhënës
i Hamasit tha se palestinezët janë të gatshëm t’i ofrojnë Izraelit një traktat paqeje
për 60 vjet, me kusht që Izraeli të tërhiqet brenda kufijve të 1967.
Egjipti
i propozoi sot presidentit palestinez Abu Mazen si dhe kryeministrit Ismail Hanijeh
që qeveria e tashme e Hamasit të zëvendësohet me një “qeverie ekspertësh” në mënyrë
që konfliktet që kanë lindur brenda Autoritetit Kombëtar Palestinez të shmangen, dhe
bisedimet me Izraelin të vijojnë. Propozimi egjiptian u pranua nga presidenti Abu
Mazen. Pritet që edhe Hamasi ta miratojë së shpejti.
Irani duhet të pezullojë
programin e vet bërthamor deri sa të mos dëshmohet me fakte se qëllimet e tija në
këtë fushë janë krejtësisht paqësore. Kjo ishte kërkesa e grupit të përbërë nga anëtarët
e përhershëm të OKB-së dhe Gjermania drejtuar përfaqësuesit të lartë të politikës
së jashtme të BE-ian Havier Solanës.
Qeveria e Kosovës njoftoi se pavarësisht
vendimit të tri komunave me shumicë serbe, të Zubin Potokut, Zveçanit dhe Leposaviqit
për shpalljen e gjendjes së jashtëzakonshme, situata në veri të Kosovës është e qetë
dhe gjithçka është nën kontrollin e forcave të rendit.