У Рыме і Асізі з вялікім поспехам прайшлі канцэрты Львоўскага сімфанічнага аркестра.
Нямала паспрыяў таму і ўдзел у ім незвычайнай скрыпачкі - 11-гадовай Машанькі Дзьячэнка.
Дырыжыраваў яе айцец, Сяргей Дзьячэнка, кіраўнік Рымскай акадэміі "Арт-музік", выпускнік
адразу двух кансерваторый - Маскоўскай і Санкт-Пецербурскай. Яго добра ведаюць як
у месцах, дзе нарадзіўся і ніколі не забываўся - на Украіне, так і у нас на Беларусі,
дзе неаднаразова гастраляваў і выкладаў, і ў Расіі, і ў многіх іншых рэспубліках
шостай часткі свету. Як і ў заходняй Еўропе ды Амерыцы. Другім аддзяленнем чэрвеньскіх
канцэртаў музычнага калектыву з Львова кіраваў славуты дырыжор Алан Хіркоп,які зараз
узначальвае Мальтыйскую культурную фундацыю "Ренесанс" і гастралюе з многімі славутымі
калектывамі.У скрыпічным радзе аркестру сагравае заўсёды мама таленавітай з малалецтва
дзяўчынкі - Вольга Дароніна. Таксама ўсёй сям'ёй яны ўдзельнічалі ў канцэрце Юбілею
2000 году, калі побач з Машанькай гралі - тады яна была піяністкай - два італьянскія
хлапчукі, якія сёння ўжо сталі юнакамі і працягваюць радаваць сваімі поспехамі. Папа
Ян Павел 2 паблаславіў тады ўсіх траіх, і Машанька добра памятае гэты момант.Цяпер
яна часта выступае, але больш як скрыпачка. Ў Італіі выконвае складанейшыя творы
на скрыпцы самога Вівальдзі, створанай славутым майстрам Гварнері.Інструмант ёй даверылі,
кажучы, што малышка мае запяьсце Паганіні. Мара Машы - выконваць увесь рэпертуар
непаўторнага віртуоза. Пакуль засвоіла больш паловы спадчыны, якая ёсць вяршыняю для
найлепшых артыстаў свету. У горадзе св. Францыска бывае часта, бо тут 10-гадовай
атрымала тытул прафесара Асізскай Акадэміі за мір ва ўсім свеце. А ў Рыме, дзе нарадзілася
і жыве, кожнае з выступленняў стаецца падзеяю. Як і апошняе, у царкве св. Антонія
Падуанскага, што ў самым цэнтры Вечнага горада. Так адзначана свята стаўпа, настаўніка
і доктара Царквы, што нарадзіўся ў Партугаліі, а заззяў на ўвесь касцёл у Падуі.Не
забудземся, што там навучаўся і маліўся у славутым саборы Святога Антонія, распісаным
Джота, і вялікі сын Беларусі - Францыск Скарына. Сёлета сям'ю Дзьячэнка -
дзяўчынку Машу, маму-скрыпачку Вольгу і бацьку-дырыжора Сяргея чакае напружаная праграма
выступленняў, у тым ліку і па календары юбілею Моцарта. Выйдуць і новыя кампакт-дыскі,
якія можна будзе купіць і ў краінах СНД. І, натуральна, шмат рэпетыцый і урокаў, якія
не перарываюцца на канікулы. Хаця, як і ўсе сяброўкі, Машанька будзе плаваць ў моры,
працягваць трэніроўкі па спартыўнай гімнастыцы, маліцца са сваімі аднагодкамі - скаўтамі
і спяваць ля кастра рускія ,італьянскія і украінскія песні.