Каталіцкі святар Патрык Дэбуа узнагароджаны за дзейнасць у галіне абароны правоў чалавека.
Французскі аддзел арганізацыі “Бней брыт” прысудзіў сваю штогадовую прэмію ў абарону
правоў чалавека каталіцкаму святару Патрыку Дэбуа. Некалькі гадоў таму а.Дэбуа
вырашыў знайсці нацыстскі канцэтрацыйны лагер у раёне Равы Рускай на Заходняй Украіне,
у якім пад час Другой сусветнай вайны знаходзіўся ягоны дзед. Гаворачы з відавочнікамі
тых падзей, а.Патрык здоліў знайсці месцы масавых пахаванняў гебрэяў, якія былі растраляныя
нацыстамі і іх украінскімі супрацоўнікамі. За апошнія два гады а. Дебуа знайшоў
каля 400 месцаў масавых пахаванняў, у адным з якіх знаходзіцца каля 97000 цел. На
цэрымоніі ўзнагароджання а.Патрыку была ўручана срэбраная мінора.