Sot, më 7 qershor Kisha përkujton Shën Antonio Maria Gianelli-in (Shën Nduen Maria
Gianelli), ipeshkëv-
(7/6/2006 R.V.) Ndue Gianelli lindi
në vitin kur filloi Revolucioni Frëng, më 12 prill 1789, afër Chiavarit të Italisë.
Qe edhe ai revolucionar, por në mënyrën e vet. Zgjodhi shpejt rrugën e meshtarisë,
e pasi u shugurue meshtar, shërbeu si famullitar në Chiavari deri në vitin 1838. Zhvilloi
një veprimtari shumë të gjërë, që i kapërceu kufijtë e famullisë së tij kishtare,
që ishte ndër më të mëdhatë e zonës. Një vit pas emërimit, hodhi bazat e një Kongregacioni
mashkullor, të cilin e vuri nën mbrojtjen e Shën Alfons de Liguorit. Mblodhi kështu
meshtarë të rinj për misionet popullore e për t’u shërbyer kishave famullitare që
kishin nevojë e probleme. Për veprimtarinë e tij të zellshme, qe emruar e shuguruar
ipeshkëv, që që e shtyu t’i kushtonte me hov të ri veprimtarive ungjillëzuese. Vdiq
në moshën 57 vjeçare, pas një jete të vrullshme, të jetuar me mendje e zemër prej
misionari. Las pas vepra të shquara të bamirësisë në fushën fetare e shoqërore. U
shpall shenjt në vitin 1951.