Papa Benedikti XVI priti në audiencë private në Vatikan kryeministrin britanik Tony
Blair.
Dje, e shtune 3 qershor, Papa Benedikti XVI priti në audiencë private në Vatikan kryeministrin
britanik Tony Blair i shoqëruar nga gruaja Cherie bashkë me fëmijët e vet. Ishte një
bashkëbisedim i “përzemërt”, informoj drejtori i Sallës së Shtypit të Vatikanit, Joaquìn
Navarro- Valls, i cili u përqëndrue kryesisht mbi rolin e fesë në politikë e në shoqëri.
Gjatë takimit të Papës me kryeministrin britanik Blair, “është nënvizuar kontributi
që vlerat e përbashkëta mes feve mund t’i japin dialogut, në mënyrë të veçantë dialogut
me Islamin e moderuar, sidomos në temat e solidaritetit e të paqes”. Mes tjerash,
Ati i Shenjtë dhe kryeministri britanik, kanë folur për Afrikën, “duke vu në pah se
ky kontinent ka nevojë urgjente që bashkësia botërore të favorizojë e mbështes me
çdo mjet, bashkëjetesën paqësore dhe zhvillimin” e Afrikës.
“Eukaristia
që kremtoni çdo ditë të jetë qendër jetike, burim e rrënjë e çdo aktiviteti tuaj”.
Kështu tha Papa të premtën e kaluar në Vatikan, duke ju drejtuar anëtarve të Akademisë
Kishtare Papnore, institucion në të cilin formohen meshtarët që përgatiten për të
bërë pjesë në shërbimin diplomatik të Selisë së Shenjtë, pranë Nunciaturave Apostolike
e pranë Sekretarisë së Shtetit të Vatikanit. “Ju jeni të thirrur të jeni bashkësi
urate, shkollë e formimit të vërtetë njerëzor e shpirtëror, vend bashkimi. Veprimtaria
juaj – u tha Papa mes tjerash eprorëve dhe studentëve të Akademisë Kishtare Papnore–
do të jetë efikase në atë masë në të cilën do të jeni dëshmitarë të Krishtit, dëshmitarë
të së Vërtetës që ndirçon e orijenton ecjen e popujve drejt mirëkuptimit e paqes”.
“Dashuria, shpirti i misionit”: ky është mesazhi i Papës Benediktit të
XVI për Ditën Misionare Botërore, e cila do të kremtohet më 22 tetorin e ardhshëm. “Nëse
misioni nuk është i udhëhequr nga dashuria, nëse nuk buron nga akti i thellë i dashurisë
hyjnore, rrezikon të reduktohet në një aktivitet thjesht filantropik e social”. Mesazhi
i Papës për Ditën Misionare Botërore e sjell aktivitetin misionar tek burimi vet i
vërtetë: Zoti është dashuri, të cilën Ai na ka dëftuar duke e dërguar Birin e vet
Njëlindurin si shpëtimtar të botës. Misioni i Kishës është pikërisht në të qenurit
shprehje konkrete të dashurisë së Zoti ndaj të gjithëve e secilit njeri, sipas stilit
ungjillor. Ky, pra është kushti i pamohueshëm nga i cili nuk mund të heqin dorë besimtarët
e krishterë, as meshtarët e rregulltarët, në çdo impenjim e vperimtari të tyren. Të
gjithë duhet “të bëjnë të njihet Zoti që është Dashuri, dashuri që përshkon, frymëzon
e ndriçon botën.
Të mërkurën e kaluar, më 31 maj, në kopshtet e Vatikanit,
Benedikti XVI e mbylli muajin maj, të cilin Kisha ia kushton nderimit të Zojës së
Bekuar, duke e falenderuar Nënën Qiellore për mbështetjen që i jepë “në shërbimin
e përditshëm papnor ndaj Kishës e njerëzimit”. Ky muaj qe kohë e fortë e lutjes dhe
e spiritualitetit, karakterizuar këtë vit nga shtegtimi i trupores së Vigjërës Mari
të Fàtimes, më rastin e 25 vjetorit të atentatit kundër Gjon Palit II, e nga udhëtimi
apostolik në “tokën e dashur të Polonisë”, tha Papa Racinger duke mbyllun muajin
maj kushtuar Zojës së Bekuar.