20 мая 2006 г. у касцёле меншых братоў капуцынаў у Докшыцах, што на Віцебшчыне, адбылася
ўрачыстасць святарскага пасвячэння. З рук Драгічынскага біскупа Пацыфіка Антонія Дыдыча
(Польшча), сакрамэнт святарства прыняў дыякан Андрэй Букштан, капуцын. Айцец Андрэй
Букштан ураджэнец Верхнядзвіншчыны. У Ордэн меншых братоў капуцынаў ён уступіў у 1997
годзе, вечныя манаскія шлюбы склаў у верасні 2004 года. Новапасвячаны святар з’яўляецца
выпускніком Люблінскага каталіцкага універсітэта і магістрам багаслоўя. Гэтая
радасная ўрачыстасць, якая сабрала гасцей з розных куткоў Беларусі і з Польшчы, стала
яшчэ адным знакам адраджэння на нашай зямлі веры, паўсюднага Касцёла і манаства. Няхай
святарскае служэнне айца Андрэя будзе напоўнена ласкаю ўсемагутнага Бога і прыносіць
шчодры плён.