Papa takon në audiencë anëtarët të Këshillit të sekretarisë së Sinodit të Ipeshkëvijve.
(01.06.06.R.V.) Sot lypet
kumtuar të gjithëve “me forcë, gjallëri e qartësi” të vërtetën e dashurisë ungjillore,
“pa frikë e reticenë (la lënie në heshtje), duke mos bërë lëshime para kushtëzimeve
të botës”. Kështu tha sot Papa Benedikti XVI duke pranuar në Vatikan pjesëmarrësit
e mbledhjes së Këshillit të rregullt të sekretrarisë së përgjithshme të Sinodit të
Ipeshkëvijve, të udhëhequr nga kryeipeshkvi Nikola Eteroviç. “Nuk mund të heshtet
e vërteta e dashurisë së Dashurisë, sepse është vet qenia e Zotit”, këndej predikojani
njeriut të çdo kohe, sepse nuk është vetëm shërbim i dashurisë, “por porosi e domosdoshme
për njeriun e çdo kohe” – nënvizoi Papa e shtoi: “Në një kohë si koha jonë, e
shënuar nga rritja e fenomenit të globalizimit gjithnjë në rritje, bëhët përherë e
më se nevojshme t’u përhapet e kumtohet të gjithëve me forcë, gjallëri e qartësi
e vërteta e Krishtit dhe Ungjilli i tij i shpëtimit. Fushat në të cilat të duhet shpallur
e dëshmuar me dashuri e vërteta janë të panumërta; shumë persona janë të etshëm për
të e nuk mund të lëmë që njeriu të vdes në kërkim të ushqimit. Ky është misioni ynë,
të dashur vëllezër të nderuar!” Ati i Shenjtë Benedikti XVI kujtoi Sinodin e fundit
të ipeshkëvijve mbajtur vitin e kaluar mbi Eukaristinë, për të cilin Këshilli i rregullt
është duke mbledhur propozimet që kanë dalur nga Asambleja sinodale për t’ia dorëzuar
Papës në parapërgatitje të Udhëzimeve Apostolike post-sinodale. Këtë tekst e pretë
mbarë Kisha, tha Papa – i cili tekst ndihmon Popullin e Zotit “të rritet në të vërtetën
ungjillore, e sidomos në njohjen e misterit të Eukaristisë dhe na fton në një jetë
më të fort eukaristike”. Me këtë rast Papa edhe një herë “vuri në dritë rëndësinë
e dashurisë në veprimtarinë e Barijve të Kishës”, të cilët e kanë për detyrë të kujdesën
për grigjën e cila – shpjegoj Papa – nuk na përket neve por është e Zotit. Detyra
jonë është ta plotësojmë urdhërin e Krishtin, jemi të thirrur ta mbrojmë grigjën e
tij, ta ushqejmë e na udhëheqim drejt Tij, Bariut të vërtetë e të Mirë që e do shpëtimin
e të gjithëve: “Të ushqesh grigjen e Zotit është shërbim të një dashurie përherë
të vëmendshme, që kërkon përshkutimin e plotë deri në shpenzimin e forcave e, nëse
ështè nevoaj edhe të flijimit të jetës. Burimi dhe sekreti i forcës së përhershëm
në misionin tonë është mbi të gjitha Eukaristia”, u tha Papa anëtarëve të sekretarisë
së përgjithshme të Sinodit të Ipeshkëvijve gjatë takimit të sotëm në Vatikan.