Në fillim të programit të 1 qershorit ja argumentet kryesore: këtu mund të ndiqni
emisionin e plotë
(1/6/2006 R.V.) “Sot është
gjithnjë e më e nevojshme të shpallet me qartësi e vërteta e Krishtit pa u lëshuar
pé kushtëzimeve të botës.” Kështu u tha Papa anëtarëve të sekretarisë së përgjithshme
të Sinodit të Ipeshkvijve, të cilët po mbledhin propozimet që kanë dalur gjatë Sinodit
të Eukarestisë.
Papa u takua sot me “Patrons of the Arts”, mbështetës të
Muzeumeve të Vatikanit, të cilëve u tha se: “Bukuria e artit, pesha e historisë, por
mbi të gjitha dëshmia e fesë të palëkundur të Kishës: kjo është pasuria e muzeumeve
të Vatikanit.”
Kryeministri i Shqipërisë Sali Berisha nënvizoi se hapja
e varreve në Kosinë të Përmetit përbën vepër penale, pasi veprimet janë kryer pa lejen
e autoriteteve vendore.
Kosovë. Ndërhyrja e policisë së UNMIK-ut në Krushë
të Vogël afër Prizrenit përbën një provokim të rëndë ndaj familjeve të viktimave të
luftës. Gjithashtu sot në Kosovë u festua 1 qershori dita e fëmijëve.
Numri
i viktimave të tërmetit që tronditi Indonezinë arriti në 6200 dhe është akoma në ngritje.