Надзвычайна важны сакавіцкі нумар міжнароднага езуіцкага штомесячнага выдання “Popoli”
паведамляе аб дзейнасці айцоў-езуітаў у Тыбете. У першыню місіянары-езуіты трапілі
на Тыбет у 1624 годзе. Гэта былі партугальцы – а.Антоніо Д’Андраде і брат Маноэль
Маркес. Яны наведалі горад Тсапаранг, сталіцу заходняга Тыбета. Праз год а. Д’Андраде
зноў прыехаў сюды з Iндыі ў суправаджнні двух братоў-законнікаў і заснаваў у Тсапаранге
сапраўдную місыю, якая праіснавала каля дзесяці гадоў, пакуль у 1635 годзе місіянары
не былі выгнаныя з краіны новай дынастыяй, якая прыйшла да ўлады ў Тыбете. Наступнымі
езуітамі, якія наведалі Тыбет, былі аўстрыец а. Йохан Грюбер і бельгіец Альберт Д’Орвіль.
Яны прыехалі сюды з Пекіна 8 кастрычніка 1661 года. Гэта падарожжа нельга акрэсліць
у поўнай меры, як місіянарскае. Хутчэй гэта была спроба ўсталяваць сувязь паміж Кітаем
і Iндыяй. Яшчэ адно падрожжа было здзейснена айцамі-езуітамі Маноэлем Фрэйре і
Iппалітам Дезідэрі ў 1716 годзе, пры гэтым апошні заставаўся на Тэбете да 1721 года,
разам з айцамі-капуцынамі.