Агульная аўдыенцыя Сьвяцейшага Айца ў сераду 31 мая

Адбылася яна на Плошчы Сьвятога Пятра. Папа Бэнэдыкт 16 толька што вярнуўся са свайго Апостальскага Падарожжа ў Польшчу дык сваю катахэзу прысьвяціў гэтаму свайму першаму Апостальскаму падарожжу па-за межы Італіі. А да таго сёньня ў Рыме было вельмі прыгожае надвор”е дык на сустрэчу з Папам прыбыло многа вернікаў і паломнікаў з кожнага кутку сьвету. А была гэта ўжо 21 сустрэча Папы Бэнэдыкта 16 з вернікамі ў гэтым годзе.
Сёньня Сьвяцейшы Айцец сказаў, між іншым,

Жадаю перайсьці разам з вамі этапы Апостальскага падарожжа ў Польшчу, якое было мне дадзена ажыцьцявіць у мінулых днях. Я быў у месцах зьвязаных з успамінамі дарагога нам, памёршага Папы Яна Паўла ІІ. Было гэта сапраўды незабыўнае дасьведчаньне. Я меў магчымасьць затрымацца і маліцца ў месцах, у якіх ён маліўся, сустрэць энтузыястычныя натоўпы у месцах, у якіх ён з імі сустракаўся ў рашаючых мамэнтах гісторыі гэтага вялікага народу.
Жадаю высказаць- сказаў на заканчэньне сваёй катахэзы Сьвяцейшы Айцец- вялікае дзякую католікам і цэламу польскаму народу, які прыймаў мяне з сардэчнасьцю, поўнаю чалавечага і духоўнага цяпла.
Перад надзяленьнем свайго Апостальскага Блаславенства Папа зрабіў заклік за мір ва Усходнім Тіморы, сказаўшы наступнае:

Мая думка накіроўваецца да дарагога народу Усходняга Тімору, ў якім у гэтых днях пануе напружаньне ды насільле, якія спрычынілі шматлікія сьмяротныя ахвяры і зьнішчэньні. Заахвочваю Мясцовы Касьцёл ды каталіцкія арганізацыі- сказаў Сьвяцейшы Айцец—працягваць, разам з іншымі міжнароднымі арганізацыямі, дапамогу пацярпелым. Запрашаю ўсіх маліцца да Найсьвятой Дзевы Марыі, каб падтрымлівала Сваім мадчыным заступніцтвам намаганьні ўсіх тых, якія даюць уклад у нармалізацыю жыцьця ў гэтай краіне ды паварот да нармальнасьці.
На заканчэньне аўдыенцыі Папа прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.