Папа Бенедыкт 16 - у Польшчы. Гэта - даніна памяці сябра і аднадумцы папярэдніку
на Апостальскім пасадзе Папу Яну Паўлу 2. Менавіта гэтая думка пранікае ўвесь гэты
апостальскі візіт Папы-немца да католікаў і ўсіх насельнікаў Польшчы.
Так, учора, у пятніцу,
Бенедыкт 16 пасля заканчэння праграмы , намаліўшыся ля славутай іконы Чэнстахоўскае
Багамаці, потым яшчэ накіраваўся на сустрэчу з тымі, хто прысвяціў сваё жыццё Царкве
і ажыццяўленню Дабравешячання - значыцца, са святарамі, законнікамі, семінарыстамі,
свецкімі - прадстаўнікамі рэлігійных рухаў , сабраных ў Яснагорскае святыні. Натуральна,
сярод палякаў тут знайшліся і суайчыннікі пантыфіка, таксама як і беларусы з украінцамі,
літоўцы ды эстонцы з латышамі. Папа маліўся разам з імі і надзяліў усім апостальскае
блаславенства, а потым звярнуўся з невялікаў прамовай, якая знайшла водгук у сэрцах
прысутных, што бачым з інтэрнетаўскага форуму. Прывядзем некаторыя фрагменты звароту
Святога Айца ўчарайшым вечарам. " Святая Марыя падтрымлівала ў веры Пятра і
апосталаў ў святліцы тайнае Вячэры, а сёння падтрымлівае маю і вашую веру....
- Бог хаваецца ў таямніцы,- прыпомніў вернікам Правадыр Царквы. Імкнуцца зразумець
усё значыць жадаць заключыць Яго ў нашых канцэпцыях і у нашых ведах , а такім чынам
непапраўна згубіць Яго. Праз веру, аднак, - навучаў Папа,- мы можам пачуць і нават
праз паразуменне,у тым ліку, тэалагічнае, дакрануцца да Бога Жывага. І Бог, аднойчы
крануўшы душу,адразу ж надае сваю сілу." У асаблівы спосаб Папа накіраваў свой
зварот да трывання ў веры, у практычным ажыццяўленні яе і ў роздуме - да семінарыстаў,
якіх назваў дарагімі кандыдатамі на святарства. Іх ён прыклікаў заўсёды мець на ўзор
найсвятую Дзеву Марыю,якая вывучала Езуса сваёю душою і служыла з любоўю у вялікай
адказнасці, спяваючы сэрцам Маніфікат." У вашым шляху і будучым святарскім паслугоўванні
аддайцеся кіраваць сабою Марыі,каб вывучаць Езуса." На вячэру Папа прыбыў
ужо ў Кракаў, дарагі ўсім як месца, дзе Ян Павел 2 пражыў 40 год - студэнтам,
рабочым, святаром,біскупам і кардыналам, і адсюль накіраваў яго Бог на пасад Рымскага
біскупа для цэлага каталіцкага свету.Менавіта Кракаў стаецца сэрцам гэтае пілігрымкі
новага Папы, як ён сам гэта адзначыў. Горад над Віслаю, які занатаваў у сваіх мурах
подых складанай гісторыі і так блізкай нам культуры самага каталіцкага з усходніх
славянаў - польскага народу, назаўсёды цяпер спалучаны з імем вялікага свайго сына
- Папы Вайтылы. У Кракаўскай арцыдыяцэзіі пражывае за паўтара мільёна чалавек , і
97 працэнтаў з іх - каталікі. Сёння з раніцы Бенедыкт 16 накіраваў свае стопы да
хаты ў Вадавіцах, дзе такім самым майскім днём 86 год таму назад нарадзіўся Карал
Вайтыла -Ян Павел 2, які мужна правёў карабель апостальства праз бурныя хвалі гісторыі
канца 20 - пачатку 21 стагоддзя і здабыў павагу ўсіх, нават скрушаных ворагаў. Ад
80-х гадоў кватэра сям'і Вайтылаў сталася ўжо музеем .Тут можна пабачыць амаль ўсё
вубранства тых гадоў, калі Караль быў хлопчыкам і падлеткам. У часе 2 сусветнай вайны
10 з яго аднакласнікаў былі забітыя. Кожны 4-ты... Са школы, якую закончыў Папа Ян
Павел 2 адгукнуліся на сваё святарскае пакліканне 200 хлопцаў. Памяць пра гэта зберагае
цяперашняя хавальніца дома-музея сястра Магдалена. У 11 гадзіне Папа Бенедыкт
16 сустрэўся з мясцовымі жыхарамі непадалёк ад базілікі Беззаганнага Зачацця Найсвятой
Дзевы Марыі і звярнуўся да ўсіх: "Дарагія браты і сёстры! З вялікім хваляваннем
прыбыў ў месца народзінаў майго вялікага папярэдніка, слугі Божага Папы Яна Паўла
2. Вадовіцы нельга было абмінуць ў маёй пілігрымцы да польскай зямлі па ягоных слядах...Словы
гэтае паломніцтва усё тыя ж : будзьце трывалымі ў веры. Будзьце вернымі сваім
хросным абяцанням! Хачу падзякваць Богу за пантыфікат Яна Паўла 2 і, як ён.
прасіць Багародзіцу апекавацца Царквою, якою,на Боскую волю,мне даверана кіраваць.Прашу
вас. браты і сёстры, суправаджаць мяне .Бласлаўляю усіх, хто дабраўся да Вадовіц."
Ад імя ўсіх вітаў наступніка Пятра асабісты сакратар Яна Паўла 2, а цяпер арцыбіскуп
Кракава Станістаў Дзівіш, якога менавіта цяпершні Папа ўзвёў у сан кардынала.
Адсюль разам сябры Яна Паўла 2 накіраваліся ў святыню Кальварыі Зэбржыдоўскай. Паўстала
яна ў 1600 годзе на ўзор месцаў гасподніх мукаў у Ерусаліме і праз матэрыяльную
дапамогу дабрадзея Ніколы Зебржыдоўскага. Тутэйшую Віа Кручыс - Крыжовую Дарогу
даўжынёй у 15 кілометраў ЮНЭСКА аб'явіла пунктам ў лісце "Спадчына чалавецтва",
адзначваючы гармонію духоўных, эстэтычных і прыродных якасцей гэтага Хроснага шляху.
Тут Папа зажадаў памаліцца на адзіноце і ўвайшоў у маленькую бакавую капліцу
Багародзіцы. Пасля яго вяртання картэж накіраваўся да Кракава, ў Лагеўнікі, да санктуарыя
Божае Міласэрднасці. Ён мае багатую гісторыю, перарваную у некаторых гадах сацыялізму
ў Польшчы. Сёння гэта маладзёвы адукацыйны каталіцкі цэнтр, якім па традыцыі апякуюцца
сёстры Боскае міласэрднасці. У 2002 годзе Папа Ян Павел 2 , улічваючы вялізную колькасць
пілігрымак да святыні , дзе ціхая манашка Фаусціна Кавальска здолела узнавіць малітоўны
парыў сваіх сясцёр і выхавальніц, паблаславіў новы касцёл на 4000 чалавек. Ён
прысвяціў беатыфікаванай ,а потым ім жа ўзведзенай у сан святых Фаўсціне старонкі
ў сваёй 2 Энцыкліцы Dives in Misericordia (1980). Цяпер Папа Бенедыкт
16 сустрэўся ў гэтым касцёле з сёстрамі і каля тысячай інвалідаў, якім яны нясуць
суцэльную дапамогу. Падсілкаваўшыся ў арцыбіскупскім
палацы, Папа надвячоркам дастаўся да Вавэлю, дзе ў старажытнай,збудаванай ў 14 стагоддзі
катэдры святых Станіслава і Вэнчеслава .Гэта як бы польскі пантэон - тут знаходзяцца
магілы каралёў і нацыянальных героеў .У крыпце св.Леанарда ў 1946 годзе Папа Ян Павел
2 адслужыў сваю першую Імшу пасля рукапалажэння ў святары . Цяпер наступніка апостала
Пятра тут сустрэла духавенства. Пасля малітвы і гутаркі ўсе яны накіраваліся на сустрэчу
з моладдзю. Адбылася яна, як і здаралася ў часах пантыфікату польскага Папы, на Лугах
Блоні. Молячыся разам з будучыняй Царквы - маладымі хрысціянамі Польшчы і краін
Усходняе Еўропы, у тым ліку і Беларусі, Бенедыкт 16 перадае ім ў гэты якраз момант
"Полымя міласэрднасці" - сімбалічную паходню,якую ім трэба пранесці праз цяжкасці
і спакусы грамадства спажывецтва -гістарычна адносна новага выпрабавання для народаў
Старога кантыненту, асабліва гэтае яго часткі. Як захаваць каштоўнасці, ад чаго можа
залежыць самое выжыванне не толькі духу асобы, але і цэлага чалавецтва? Папа
Бенедыкт 16 звяртаецца зараз да соцень тысяч сваіх маладых аднадумцаў у веры. "
Будзьце трывалымі ў веры. .. У сэрцы кожнага чалавека , дарагія мае, ёсць прага дома.Тым
больш, маладыя хочуць мець уласную хату, каб была моцаю, у якую
не толькі вяртаешся з радасцю, але і расчыняеш дзверы добраму госцю.Не бойцеся
такога жадання! Не губляйцеся,бачачы так многа дамоў,што разбураюцца мітуслівымі
пажаданнямі, прамінаючымі непаразуменнямі. Бог-Стварыцель, які змяшчае ў кожнае маладое
сэрца жаданне шчасця, не пакіне ніколі ў стамляючым будаванні гэтага Дому, які называецца
ЖЫЦЦЁ! Будаваць з Хрыстом і на Хрысце значыцца будаваць на фундаманце любові "...-працягвае
Папа гэты заклік да маладых, прыпамінаючы, што кожны будынак утрывае, калі пакладзены
на добры фундамент, а не на пясок ... Хрыстус, Які не абяцае поўнага штылю,
вучыць, што так разбуральныя хвалі не знясуць таго, што дорага"...
ххххххххххххххххххххххххххххххххххх Заўтра - апошні дзень знаходжання Папы Бенедыкта
ў Польшчы. Мы будзем весці справаздачу, зараз скажам толькі пра асноўныя вехі нядзелі:
Святая Імша і маленне да Каралевы Нябёс.Развітанне ў арцыбіскупскім палацы Кракава
з духавенствам Польшчы. Наведанне нацысцкага канцлагера Асвенцым. Пасля - сустрэча
ў цэнры дыялогу і малітвы Асвенцыма. Далей - працяг журботнага шляху гістарычнага
прыпамінання - памінальная задушная малітва ля Міжнароднага манументу памяці аб
ахвярах, узведзенага блізка печы 2-га крэматорыя суседняга канцлагеру Біркенаў,
пасля чаго адбудзецца сустрэча Папы Рымскага з прадстаўнікамі іншых рэлігій і былымі
вязнямі, якія ўсе разам пажадалі маліцца з нямецкім Папаю за ахвяраў генацыду і асабліва
за мір ды супакой у сучасным свеце.