Больш за 3 тысячы вернікаў прыбыло з Беларусі ў Польшчу на сустрэчу з Папам
Як паведамілі ў польскім пасольстве ў Мінску, на сустрэчу са Святым Айцом Бэнэдыктам
XVI, які з 25 па 28 мая г.г. з Апостальскім візітам наведае Польшчу, накіруюцца больш
за тры тысячы пілігрымаў з Беларусі. Па дадзеных польскай дыпламатычнай місіі
ў нашай краіне, з просьбай аб атрыманні візы з мэтай прыняць удзел у набажэнствах,
якія Бэнэдыкт XVI будзе цэлебраваць у Польшчы падчас першага візіту на радзіму свайго
Папярэдніка Яна Паўла ІІ, у консульскія аддзелы звярнуліся каля 1 200 асобаў у Мінску,
1 000 у Гродне і 500 у Брэсце. Аднак гэтая колькасць удзельнікаў з’яўляецца прыблізнаю,
таму што наведаць Польшчу падчас візіта Папы змогуць таксама і ўладальнікі шматразовых
візаў.