Maria ndërmjetësoftë për paqen në botë: është urimi i Benediktit XVI në mesazhin që
u lexua me rastin e Ditës së shtegtarit
( 15. 05. 06 R. V. )Virgjëra Mari ndërmjetësoftë për paqen në Botë: këtë uroi Benedikti
XVI në mesazhin e lexuar të shtunën e kaluar në Sheshin e Shën Pjetrit, me rastin
e Ditës Botërore të Shtegtarit, ditë e kujtimit liturgjik të Zojës së Fatimës. “Plot
gëzim bashkohem me të gjithë ata që janë mbledhur në Sheshin e Shën Pjetrit, rreth
shtatores së Zojës së Fatimës, për t’ia besuar ndërmjetësisë së Virgjërës Mari ndjetet
e mëdha të Kishës e të botës”. Fillon kështu mesazhi i Benediktit XVI, lexuar nga
kardinali Kamilo Ruini të shtunën pasdite, në përfundim të Meshës Shenjte kremtuar
me rastin e Ditës II botërore të shtegtarit, ngjarje që sivjet përkoi me kujtimin
e Zojës së Fatimës dhe me 25-vjetorin e atentatit kundër Gjon Palit II: “Zoja
e Bekuar i ruajtët barinjtë dhe popullin e krishterë: u priftë hapave të Kombeve drejt
përmbushjes së plotë të vullnetit të Zotit e u nxjerrtë të gjithëve hirin e paqes”.
Kështu uroi Papa dhe në vijim shprehu dëshirën që mesazhi i Fatimës të pranohet gjithnjë
më shumë, të kuptohet e të jetohet në të gjitha bashkësitë. Mesazhi i Atit të Shenjtë
tingëlloi plot ëmbëlsi e shpresë në Sheshin e mbushur me mijëra shtegtarë, në sa pak
në përpara, kardinali Runi kishte shpjeguar kuptimin që ka shtegtimi për jetën e çdo
njeriu, si ecje drejt Zotit.