Да 10 працэнтаў жанчын,асабліва маладзенькіх, пасля аборту застаюцца бясплоднымі.
Пра гэта, з акцэнтам на павагу да годнасці чалавека, - значыць усіх удзельнікаў
такіх трагедый, гаварыў у А А Н арцыбіскуп Челесціно Мільёрэ.
Святы Пасад вуснамі свайго пастаяннага назіральніка пры Арганізацыі Аб'яднаных Нацый,
прыклікаў міжнароднае
зграмаджанне больш увагі надаваць дэмаграфічнай палітыцы. З такім заклікам звярнуўся
арцыбіскуп Челесціно Мільёре ў часе працоўнай сесіі "нацыянальны вопыт у пытаннях
народанасельніцтва: міжнародная інтэграцыя і развіццё." Як пра гэта паведамляе
служба друку Ватыкану, прадстаўнік дзяржавы ўзвысіў голас на карысць прыняцця палітыкі,
якая б уключала інтарэсы людзей дзеля кожнага чалавека, а таксама асягнення глабальнай
задачы - забяспечання ўстойлівага і разумнага развіцця народанасельніцтва Зямлі. Ватыканскі
дыпламат таксама надаў увагу праблемам абароны жыцця ад зачацця да натуральнай смерці.
Расказваючы пра гэта, рымская каталіцкая газета "Будучыня" апублікавала і статыстыку.
У прыватнасці, у артыкуле расказваецца, што ў Расіі і іншых краінах Саюза Незалежных
Дзяржаў застаецца пагрозліваю колькасць хірургічнага перарывання цяжарнасці. Спасылаючыся,
у прыватнасці, на дадзеныя Мінздрава Расіі, газета паказвае, што ў год нараджаецца
меньш дзяцей, чымсьці робіцца абортаў.Прапорцыя 1500000 да 1700000 ! Аўтар артыкулу
Джованні Бенсі ,аднак, адзначвае, што некалькі год таму было яшчэ горш - у год у Расіі
рабілася да 2-х з паловай мільёнаў абортаў. Падобная практыка на думку саміх медыкаў
, ды й палітыкаў, з'яўляецца разбуральнай, як з пункту гледжання санітарных наступстваў
- вельмі вялікі працэнт жанчын маюць ускладненні са здароўем і псіхалагічныя траўмы,
так і з дэмаграфічнага пункту гледжання. Прыгадаем, хрысціянская Царква лічыць аборт
забойствам.