Papa Benedikti XVI uron presidentin e sapozgjedhur italian, Gjorgjo Napoletano, që
të zhvillojë një veprimtari të frytshme duke ecur në gjurmët e vlerave njerëzore dhe
të krishtera që përbëjnë pasurinë e Italisë
( 11. 05. 06 R. V. )Papa Benedikti XVI i dërgoi një telegram urimi Gjorgjo Napoletanos,
i cili u zgjodh dje i 11-ti president i Republikës italiane, duke e uruar ta kryejë
me sukses të plotë detyrën e tij të lartë e, me ndihmën e Zotit, të promovojë të mirën
e përbashkët në gjurmët e vlerave të vërteta njerëzore e të krishtera, që përbëjnë
trashëgiminë mahnitëse të popullit italian. Papa e përfundon mesazhin duke i dhënë
bekimin apostolik presidentit të zgjedhur dhe mbarë kombit të dashur italian.