Да паўторнага адкрыцьця першаснага сэнсу любові заахвоціў буддыстаў Старшыня Папскае
Рады да спраў Міжрэлігійнага Дыялогу. Спэцыяльнае пасланьне з нагоды сьвята Вэсак
накіраваў у месяцы лютым тагачасны кіраўнік гэтае Рады- арцыбіскуп Фітджэральд. У
ім ён спаслаўся да першае Энцыклікі Папы Бэнэдыкта 16 “Deus caritas est” ды падкрэсьліў
падабеньствы ў разуменьні любові, што знаходзяцца ў навучаньні католікаў і буддыстаў.
Каталіцкі Касьцёл перакананы аб неабходнасьці дыялогу ў гэтай галіне. Ён можа быць
заахвочаньнем да супрацоўніцтва і будаваньня адносінаў, якія прытрымліваліся б праўды
і любові. Вэсак ёсьць найважнейшым сьвятам Буддыстаў і ўшаноўваецца ў гадавіну
пакліканьня Будды. На сьвеце ёсьць каля 360-ці мільёнаў буддыстаў.