Shtegtim në Shenjtëroren e Zojës së Këshillit të Mirë në Gjenacan
(05.05.'06.R.V.)Është bërë traditë tashmë për mërgimtarët shqiptarë në Italiqë të mblidhen çdo vit, në përfundim të muajit maj, kushtuar Virgjërës Mari, rreth
elterit të Zojës së Këshillit të Mirë, Pajtores së Shqiptarëve, në Shenjtëroren e
Gjenacanit, si bijtë rreth Nënës. Mblidhen për t’u lutur për fatet e veta,
të familjeve e të Atdheut të largët e të dëshiruar; mblidhen edhe për t’u çmallur,
për të folur gjuhën amë, për t’u ritakuar me miq e dashamirë, pas Meshe, në një çast
që gërsheton mrekullisht veprimtarinë fetare me prehjen në gjirin e natyrës së qytetit
të bukur të Gjenacanit, duke lënë pas kujtime të paharruara. Sivjet shtegtimi
tradicional do të organizohet të dielën, më 28 maj. Lutjen drejtuar Zojës së Bekuar
dhe Liturgjinë Eukaristike do t’i kryesojë Shkelqësia e Tij, Imzot Rrok Mirdita, Kryeipeshkëv
Metropolit i Tiranë-Durrësit dhe Delegat ipeshkvnor për misionet. Ftohen të
marrin pjesë të gjithë mërgimtarët shqiptarë në Itali. Për të arritur në Shenjtnore,
mund të merren mjetet publike nga: COTRAL (Autobus) Anagnina-Casilina –
Tel. 06/7222153 Rebibbia-Prenestina – Tel. 06/4067849 Auto: nga Roma:
Via Casilina, Via Prenestina, Via Tiburtina. Autostrada del sole: Nga
Roma Sud: - Dalja S. Cesareo - Dalja Valmontone Nga Roma Nord Bretella -
Dalja Valmontone Autostrada Roma- L’Aquilla - Dalja Tivoli Për
informacion më të hollësishëm mund të telefonononi në Tel: 06. 7014516; Cell. 340.
5246230; e-mail p.ferraro5@libero.it