U publikua programi i hollësishëm i shtegtimit të Papës Benedikti XVI në Poloni nga
25 deri më 28 maj
( 27. 04. 06 R. V. )Është shtegtimi i dytë jashtë Italisë i Benediktit XVI,
pas udhëtimit të vitit të kaluar në Gjermani për DBR-së. Vizita do fillojë
më 25 maj në Varshavë, në katedralen e Shën Gjonit, ku Ati i Shenjtë do të takohet
me klerin, ndërsa pasdite, pas vizitës së mirësjelljes tek presidenti polak Leh Kacinski,
do të marrë pjesë në takimin ekumenik, që do të mbahet në Kishën e Trinisë Shenjte. Të
nesërmen paradite, Papa do të kremtojë Meshën shenjte në Sheshin Pilsudski, ndërsa
pasdite do të takohet me rregulltarët dhe përfaqësuesit e Shenjtërores mariane të
Jasna Gorës në Çestokovë. E shtuna, 27 maj, është dita e vizitës në Vadovice,
vendlindje e Papës Gjon Pali II. Benedikti XVI do të vizitojë shtëpinë ku lindi Karol
Vojtila dhe do të takohet me popullatën vendase në Sheshin Rinek. Më pas do të vizitojë
Shenjtëroret e Zojës të Kalvaria-Zebrydovskas dhe të Mëshirës Hyjnore në Krakovi.
Pas vizitës në Katedralen e Vavelit, Benedikti XVI do të takojë të rinjtë polakë në
parkun e Blonies në Krakovi. Të dielën paradite, më 28 maj, do të kryesojë
Meshën shenjte në sheshin e Blonies. Shtegtimi do të përfundojë me vizitën
e shumpritur në kampet epërqëndrimit nazist të Aushvicit e të Birkenaut,
ku Benedikti XVI do të lutet për viktimat e mizorisë naziste. Papa do të jetë në Vatikan
mbrëmjen e 28 majit.