У часопісе "Jesus" надрукаваны артыкул аб праблемах Румынскай Каталіцкай Царквы.
Штомесячны папулярны iтальянскi часопiс “Jesus” прапануе чытачам сваё бачанне
некаторых зменаў у жыццi Румынскай каталiцкай Царвы ўсходняй традыцыi. На думку аўтара
артыкула Святы Пасад, дзеля ўрэгулявання юрыдычных структураў згаданай Царквы, абраў
шлях падвышення статусу буйнейшых з iх да ўзроўня Вярхоўных архiепiскапатаў, але не
мiтраполiй. 16 снежня мiнулага года Свяцейшы Айцец фактычна пераўтварыў у вярхоўны
архiепiскапат Мiтрапольную Румынскую грэка-каталiцкую Царкву, “sui iuris” ,
назначыўшы монсiньора Лучыяна Мурэзана вярхоўным архiепiскапам Фарагаса i Альбы Юнii,
што аб’ядноўвае на сёняшнi дзень прыблiзна 740.000 вернiкаў-унiятаў, якiмi апякуюцца
пяць епiскапаў… Згодна з Кананiчным кодэксам усходнiх Цэркваў, якi быў зацверджаны
ў 1990 годзе, “вярхоўны архiепiскап” – гэта, практычна, патрыярх, якi, за некаторымi
выключэннямi, карыстаецца тымi ж самымi правамi. Аднак, простыя вернiкi i, нават,
святары, якiя не маюць адпаведнай юрыдычнай падрыхтоўкi, успрыймаюць гэтыя два тытулы
па-рознаму. Менавiта гытыя абставiны ў 2004 годзе падштурхнулi ўкраiнскiх грэка-католiкаў
звярнуцца ў Ватыкан з просьбай пераўтварыць iх вярхоўную архiепархiю ў патрыярхат.
Згадзiўшыся з прадстаўленымi аргументамi, Свяцейшы Айцец Ян Павел II° усё ж такi адклаў
ажыццяўленне прапановы, каб пазбегнуць новых праблемаў у адносiнах з Маскоўскiм патрыярхатам,
але пагадзiўся з рашэнням Сынода ўкраiнскiх грэка-каталiцкiх епiскапаў перанесцi рэзiдэнцыю
вярхоўнага архiепiскапа – галавы Украiнскай грэка-каталiцкай Царквы – з Львова ў Кiеў.