Një vit më parë, Mesha e fillimit të Papnisë së Benediktit XVI
( 24. 04. 06 R. V. )Nuk jemi vetëm. Kisha është plot gjallëri. Kisha është e re!
Me këto fjalë Benedikti XVI e përuronte një vit më parë ministerin e tij si Pasardhës
i Shën Pjetrit, në sa kremtonte Meshën solemne të fillimit të papnisë. E në kremtimin
e parë eukaristik të papnisë, Papa Racinger theksonte posaçërisht lidhjen e ngushtë
ndërmjet Shën Pjetrit e Pasardhësit të Tij. Ishte një çast tepër i fortë ai i një
viti më parë, kur mbi supet e Papës u vendos Palio-ja dhe iu dorëzua Unaza e Peshkatarit,
dy simbolet kryesore të papnisë dhe Benedikti XVI shpalosi programin e tij para 300
mijë besimtarëve: “Programi i vërtetë i drejtimit është ai që të mos bëj vullnetin
tim, të mos ndjek idetë e mia por, me të gjithë Kishën, të vihem në dëgjim të fjalës
e të vullnetit të Zotit e ta lë veten të udhëhiqem prej Tij, kështu që ta udhëheqë
Ai vetë Kishën në këtë orë të historisë sonë”.