Kryeministri izraelit
Ehud Olmert pas atentatit me kamikaze të Hamasit deklaroi se qeveria e tij nuk do
të autorizojë asnjë kundërpërgjigje ushtarake ndaj Autoritetit Kombëtar Palestinez.
Duket se përballë dhunës, pala izraeliane po parapëlqen përforcimin e masave të sigurisë.
U
mbyll në Moskë pa arritur në ndonjë përfundim konkret takimi i nivelit të lartë i
anëtarëve të përhershëm të Këshillit të Sigurisë së OKB-së për çështjen bërthamore
iraniane. Megjithatë, kjo temë do të jetë në qendër të takimit të Grupit të të 8-ve
që do të mbahet në korrikun e ardhshëm në Shën Peterburg.
Sot çmimi i naftës
për fuçi zbriti në 71 dollarë nga 72 që ishte dje. Kriza e djeshme shkaktuar nga kriza
iraniane, përshkoi bursat amerikane si edhe ato aziatike. Rritja e çmimit po shkakton
shqetësim në tregun botëror. Sipas OPEK-ut, organizatës së vendeve eksportuese të
naftës, çmimet do të vijojnë të jenë të larta edhe për disa vjet.
Specialistët
që shqyrtuan firmën në dokumentin që autorizonte vrasjen e 148 shiitëve të fshatin
Duzhail, në Irak, arritën në përfundimin se ajo i përket ish-diktatorit Sadam Hysein
dhe se është autentike. Dokumenti u përfshi në dosjen gjyqësore në ngarkim të të pandehurit.
Në
Arabinë Saudite u arrestuan pesë militantë të Al-Kaedës, pjesëmarrës në atentatin
e dështuar kundër impiantit të përpunimit të naftës në Abkaik. Gjithashtu policia
sekuestroi edhe një sasi të madhe eksplozivi që do të përdorej nga terroristët për
atentate të ardhshme