У Ватыкане рыхтуюцца ўрачыста адзначаць паўтысячагадовы юбілей базілікі Святога
Пятра. Дата прыблізная, бо першы камень сучаснага будынку быў закладзены ў
1505 годзе, а ўрачыстае завершанне будаўніцтва адзначана ў 1776.
Найвялікшыя з гігантаў эпохі Адраджэння прынялі ўдзел у стварэнні гэтага самага
буйнога ў свеце да канца
20 стагоддзя храма. Донато Браманте, Рафаэль Санкціс і Мікелянжэла Буанароцці, Джуліано
Сангалло і Карло Мадэрно, Джанлоренцо Берніні і вялізны калектыў славутых і меньш
славутых дойлідаў, якія сумяшчалі веды архітэктараў і інжынераў, вямяралі гармоніяй
каменную паэзію для сталага адлюстравання галоўнай хрысціянскай ідэі - храм ёсць тэрыторыяй
любові, праекцыяй Валадарства Нябеснага. Так, купал - гэта неба, калоны - райскія
дрэвы, нефы - караблі , на якіх можна дастацца да берагоў Нябесных, дзе Дом Айца.
Прэс-канферэнцыя, на якой раскажуць аб праграме святкаванняў, пройдзе ў службе
друку Рымскай курыі 20 красавіка. На пытанні журналістаў і мастацтвазнаўцаў адкажуць
кардынал Франческо Маркізано, пробашч базілікі Сан Пьетр, кардынал Альбер Вануа,
арцыбіскуп Анжэло Камастрі і біскуп Вітторіо Ланцані - тыя, хто непасрэдна апякуюцца
галоўным каталіцкім храмам і функцыямі, якія нясе культавы хрысціянскі будынак.
Як мы казалі, дата святкавання выбраная ўмоўна.Першы храм над магілай апостала
Пятра паставіў імператар Канстанцін у 324 годзе па Растве Хрыстовым. Адразу, як навярнуўся
на хрысціянства і навярнуў усю сваю Вялікую Рымскую імперыю. Да 15 стагоддзя - за
1100 гадоў - ён пачаў разбурацца. Дык Папа са сваёй курыяй вырашыў адбудаваць базіліку.
У 1506 годзе будаўніцтва было даручанае архітэктарам Браманту і братам Сангала.
Вялікі Брамантэ таксама абнаўляў фасад Апостальскага палацу, у якім дагэтуль знаходзяцца
пакоі папаў рымскіх, персанальная бібліятэка з вакном, з якога папы вітаюць Божы народ,сабраны
на славутай плошчы Святога Пятра, калоны якой, створаныя Берніні, запрашаюць ў абдымкі
паразумення і міра ўсю чалавечую сям'ю. распачаў будаўніцтва Папа Юлій 2, а аб'явіў
пра завершанне Папа Павел 5,свецкае імя якога чытаем дагэтуль на порціку фасада -
Боргезе. Упрыгожанне базілікі працягваецца дагэтуль. Яшчэ засталіся некаторыя
свабодныя вонкавыя нішы для змяшчэння скульптур святых, а таксама прастора ва ўнутраным
інтэр'еры. Афармленне яго - таксама мастацкі шэдэўр, які належыцт рукам многіх майстроў
розных эпох.У базіліцы - шмат рэліквій. Тут хаваецца ў гротах скарбонка з мошамі апостала
Пятра, у храме - фрагмент Крыжа Гасподнега, прывезены імператрыцай Аленай з Ерусаліму,
крыштальныя грабы змяшчаюць мошчы Святых мучанікаў і героеў усяе агульнае непадзельнае
хрысціянскае Царквы, а таксама каталіцкіх святых. сярод якіх - і наш зямляк, мучанік
за веру, што загінуў у Віцебску, - Язафат Кунцэвіч. З-за кулянепрабіўнога шкла ззяе
вернікам славуцейшая скульптура Пьета ( ці Аплакванне Хрыста ) Мікелянжэла. Ад першай,
Канстантынаўскай базілікі засталіся галоўныя вароты і бронзавая скульптура апостала
Пятра з двума кандэлябрамі.