"Смерць і жыццё рэлігій" - так моцна называлася тэма, якую ў Страсбургу абмяркоўвалі
нядаўна 300 духаўнікоў.
Разам з імі ўдзел
ў гаворцы прынялі таксама выбітныя прадстаўнікі культуры і навукі. Напрыканцы адбыўся
і канцэрт духоўнай музыкі - экуменічны прычым. Пра гэтую Асамблею пратэстанцкіх і
каталіцкіх духоўнікаў універсітэтаў Еўропы піша французская каталіцкая газета "Сroix"-
"Круа" (Крыж). Яна надае ўвагу і выступленням Рашыда Банзэна, аўтара кнігі "Новыя
мысліцелі Іслама" ды філосафа юдэйскай традыцыі Джакоба Рагозінскага, якія таксама
прынялі ўдзел у канферэнцыі, што мала падзагалавак "Ноч рэлігій". Усе прамоўцы засведчылі
выключную актуальнасць закранутых пытанняў, якія хвалююць носьбітаў розных рэлігійных
канфесій, людзей розных узростаў і прафесій, прадстаўнікоў розных народаў - дзеячаў
3 тысячагоддзя.