У гэтых днях прадстаўнікі Расіі ды Італіі задумваліся ў Вечным Горадзе над пэрспэктывамі
супрацоўніцтва паміж католікамі і праваслаўнымі. У днях 29-30 сакавіка, ў рамках
круглага стала на тэму: “Роля і месца Рыма-каталіцкага Касьцёлу і Рускае Праваслаўнае
Царквы ў сучасным сьвеце”—духоўныя, журналісты, выкладчыкі ды вучоныя Італіі ды Расіі
вялі свае працы у Рыме. Круглы стол адбыўся ў рамках італьянска-рускага форума: “Расія-
Італія, рымская сэсія”. Расійскі бок прадстаўлялі заступнік Аддзяленьня Вонкавых
Кантактаў Маскоўскага Патрыярхату біскуп Мар, як кіраўнік дэлегацыі ( дарэчы, парах
Праваслаўнае Царквы Маскоўскага Патрыярхату ў Рыме) разам з выкладчыкамі Маскоўскае
Духоўнае Акадэміі і Маскоўскага Дзяржаўнага Інстытуту Міжнародных Адносін. З італьянскага
боку ў круглым стале прынялі ўдзел прадстаўнікі Папскае Рады да спраў Культуры, Папскае
Тэалагічнае Акадэміі ды прафэсары Унівэрсытэтаў з Фларэнцыі і Турыну.