Канфярэнцыя аб вяртаннi царкойнай маёмасцi украiнскiм грэка-католiкам.
21 сакавiка ў рэкалекцыйным цэнтры Львоўскай грэка-каталiцкай архiепархii прайшла
канфярэнцыя на тэму “Магчымасць рэстiтуцыi царкоўнай уласнасцi Украiнскай дзяржавай.
Задача Украiнскай грэка-каталiцкай Царквы (УГКЦ) на сучасным этапе дыялога з дзяржаўнымi
ворганамi ўлады”. Канфярэнцыя, у якой прынялi ўдзел прадстаўнiкi розных епархiй i
экзархатаў УГКЦ, была зарганiзавана па блаславенству кардынала Любамiра Гузара. Мэта
спаткання – збор дакладных дадзеных, якiя павiнны быць пэўным доказам для цывiльных
уладаў для прызнання права Царквы на маёмасць, якая была незаконна канфiскавана пасля
гвалтоўнай лiквiдацыi УГКЦ савецкiмi ўладамi ў 1946 годзе. Удзельнiкi канфярэнцыi
праслухалi даклад а.Алексея Петрiва, былога кiраўнiка кiеўскага бюро УГКЦ па сувязях
з дзяржаўнымi ворганамi ўлады, на тэму: “Маёмасны дыялог памiж Царквой i дзяржавай.
Магчымасць i формы рэстiтуцыi царкоўнай маёмасцi ў Украiнскай дзяржаве”, i даклад
“Рэстiтуцыя i важнасць лакальных фiнансавых праграм для рэалiзацыi патрэбаў Царквы”,
падрыхтаваны Данiэлi Дойбер з германскай дабрачыннай каталiцкай арганiзацыi “Renovabis”. Па
вынiках канфярэнцыi была прынятая пастанова аб стварэннi ў кожнай епархii невялiкай
групы адказных асобаў, якiя павiнны будуць збiраць згаданую вышей iнфармацыю i падрыхтаваць
квалiфiцыраваныя абгрунтаваннi маёмасных прэтэнзiяў УГКЦ да дзяржавы.