У гэтым вядомым украiнскiм горадзе прайшоў VI° Агульнаўкраiнскi семiнар для глухiх
“Размова без слыха”. Песнi, казаннi, тэатральныя мiнiацюры глухiх i сурдаперакладчыкаў
– неад’емная характырыстыка падобных семiнараў. У сёлятнiм семiнары прыймалi ўдзел
госцi з Кiева, Харкава, Першамайска i Славянска. Адкрыў мерапрыемства малiтваў бiскуп
пратэстантскай Царквы веры Эвангельскай Мiхал Якабчук. Узначалiў работу семiнара
спадар Павел Грыгарэнка, адзiн з заснавальнiкаў руху служэння глухiм ва Украiне. Вось
што ён зазначыў з нагоды семiнару, адказваючы на пытаннi журналiстаў тэлерадыёкампанii
“Пiлiгрым”: “Гэта ўжо шёсты семiнар для глухiх з усёй Украiны, якi праводзiцца ў Вiннiцы.
Служэнне глухiм не вельмi распаўсюджана ва ўкраiнскiх Цэрквах, хаця ж яно ёсць вельмi
важным. Глухiя людзi, як нiхто iншы, маюць патрэбу ў зносiнах, у вывучэннi Слова Божага,
у атрыманнi ведаў для таго, каб несцi Добрую навiну сабе падобным. Такiя спатканнi
натхняюць iх, падвышаюць узровень iхняй самаацэнкi, яны адчуваюць Паньскае паклiканне
i робяцца больш актыўнымi ў сваiх Цэрквах менавiта пасля падобных семiнараў”. Наступным
мерапрыемствам, прысвечаным праблемам глухiх, будзе мiжнародны семiнар для сурдаперакладчыкаў
“Размова рук”, якi плануецца правесцi на пачатку чэрвеня бягучага года таксама ў Вiннiце.