Кiраўнiкi розных рэлiгiй краiнаў Азii i Цiхаакiянскага рэгiёну падцвердзiлi сваю
гатоўнасць да супольнай барацьбы супраць тэрарызму, да выкаранення галечы i несправядлiвасцi,
i асягненню мiра i сацыяльнага спакою. Такой ёсць канчатковая рэзалюцыя, падпiсаная
больш чым 150 кiраўнiкамi хрысцiянскiх, мусульманскiх, буддыстскiх i iндуiстскiх грамадаў
розных краiнаў згаданага рэгiёна пасля заканчэння спаткання, якое адбылося ў г. Кебу
на мiнулым тыднi. Акрамя гэтых пытанняў, удзельнiкi сустрэчы таксама абмеркавалi
i ўзросшую важнасць ролi тэхналогiй сродкаў масавай iнфармацыi. Рэлiгiйныя лiдэры
падкрэслiлi, што менавiта СМI здольныя адыграць важную ролю ў пераадоленнi нянавiсцi
i асягненнi дыялогу i згоды памiж прадстаўнiкамi розных веравызнанняў. Арганiзатар
мiжрэлiгiйнага спаткання, бiскуп Гуттiеррес, якi ўзначальвае камiссiю “Справядлiвасць
i мiр” пры Бiскупскай канфярэнцыi Фiлiпiнаў, адзначыў, што ён задаволены вынiкамi
сустрэчы. Каталiцкi дастойнiк упэўнены, што ў блiжэйшым будучым будуць арганiзаваны
i iншыя падобныя экуменiчныя мерапрыемства. Па ягоных словах, дыялог удзельнiкаў спаткання
праходзiў у атмасферы ўзаемнай павагi.