Берагчы людзей з абмежаванымі здольнасцямі заклікаў католікаў Папа Бенедыкт 16.
У прыватнасці, такі напамін аб універсальнасці міласэрддзя Свяцейшы Айцец змясціў
у пасланні на імя кардынала Джэральдо Маджэла Анело,галавы Біскупскай Канферэнцыі
Бразіліі. У гэтай Лацінаамерыканскай краіне вялікіх маёмасных,сацыяльных і этнічных
кантрастаў ёсць асабліва вялікая неабходнасць тым, хто верыць у Хрыста і жадае крочыць
па Ягоных слядах,выяўляць дух міласэрднасці , асабліва ў адносінах людзей з адхіленнямі
ў здароўі. "Нават калі гэтыя захворванні тычацца іхных інтэлектуальных і сэнсарных
здольнасцей,-указвае Папа,- гэтыя чалавечыя сыны працягваюць заставацца людзьмі і
маюць усе святыя і неад'емныя правы чалавека". У пасланні да бразільцаў, у асаблівы
спосаб да іхных духоўных пастыраў, Папа звяртае ўвагу на неабходнасць абароны жыцця
ад моманту яго зачацця і да натуральнай смерці, што з'яўляецца правам і абавязкам
кожнага чаалвека.Дык Царква будзе пастаянна гэта сцвярджаць.Усе людзі, незалежна
ад умоваў быцця ці здольнасцей, ёсць носьбітамі ўнікальнай і выключнай каштоўнасці
.Часта, аднак,правы людзей з абмежаванымі магчымасцямі падзьвяргаюцца нападам. Нельга
не хвалявацца ў абліччы працэсаў унітарнай мадэлі медычнай этыкі. Абаронцы правоў
інвалідаў заклапочаныя спробамі апраўдаць эўтаназію і аборты пры адхіленнях у развіцці
плоду, заснаваных на паняцці "якасці жыцця". Задача хрысціянаў - абараняць жыццё
і адстойваць важнасць падтрымання вартасці людзей з абмежаванымі магчымасцямі.