Ja argumentet kryesore të programit të 13 marsit:këtu mund të ndiqni emisionin e plotë
(13.03.06 R.V.)Papa
Benedikti XVI priti në audiencë presidentin egjiptian Mubarak, me të cilin foli mbi
dialogun ndërfetar ndërmjet islamit dhe botës perëndimore, si edhe për të drejtat
e të krishterëve në Egjipt.
“Të mësojmë ta dëgjojmë Krishtin dhe t’i bindemi
thirrjes së tij në jetën e përditshme, posaçërisht në këtë kohë kreshmësh, që na shpie
kah drita e Pashkëve.” Kështu tha Papa dje gjatë Lutjes së Engjëllit të Tenzot në
Shën Pjetër.
“Shkaku i vdekjes së Presidentit Millosheviq ishte infarkti
i miokardit, ardhur si pasojë e keqpërdorimit të barnave.” – deklaroi Gjykata e Hagës
pas autopsisë. Presidenti serb Tadiq tha se Millosheviqit nuk do t’i bëhet varrim
shtetëror në Serbi.
Shqiptarët e rrëmbyer në Afganistan javën e kaluar
u ekzekutuan nga talebanët. Ministria e jashtëme maqedonase njoftoi se viktimat janë
shtetas maqedonas.
Vijon në Irak dhuna e përgjakshme që vetëm dje shkaktoi
50 të vdekur.
Duke shfletuar kalendarin historik përkujtojmë vdekjen e
Fan Nolit, me 13 mars 1965.