(12. 03. 06 R.V.)Vendime dhe emërime të Atit të Shenjtë në disa dikastere të Kuries
romake: Të shtunën e kaluar Ati i Shenjtë pranoi kërkesën për dorëheqje paraqitur,
për shkak të moshës, nga kardinali Stephen Fumio Hamao, Kryetar i Këshillit Papnor
për baritorinë e emigrantëve dhe endacakëve dhe, përkohësisht, ia caktoi drejtimin
Këshillit Papnor të drejtësisë e paqes, që kryesohet nga kardinali Renato Rafaele
Martino. Veç kësaj, Ati i Shenjtë, për të favorizuar dialogun ndërmjet njerëzve të
kulturës dhe përfaqësuesve të feve të ndryshme, bashkoi përkohësisht kryesinë e Këshillit
Papnor për dialogun ndërfetar me atë të Këshillit Papnor të Kulturës, duke emëruar
kryetar të Këshillit Papnor për dialogun ndërfetar, kardinalin Paul Poupard.