Benedikti XVI ripohon aktualitetin e përhershëm të impenjimit misionar të Kishës
( 12. 03. 06R.V.) Edhe sot të krishterët janë të thirrur t’ia kumtojnë gjithë njerëzve
dashurinë e e Hyjit, që u dëftua plotësisht në të vetmin Shëlbues të Botës, në Krishtin
e ngjallur.Këto janë fjalët e Papës Benedikti XVI drejtuar dje pjesëmarrësve në takimin
e kësaj fundjave, organizuar nga Kongregata për Ungjillëzimin e popujve dhe Universiteti
Urbanian, me rastin e 40-vjetorit të Dekretit konciliar “Ad Gentes” mbi veprimtarinë
misionare të Kishës. Papa ripohoi me forcë aktualitetin e thirrjes misionare të Kishës,
përballë shndërrimeve të botës dhe sfidave që i kundërvë modernizmi predikimit të
Ungjillit. Ati i Shenjtë kujtoi se impenjimi misionar është në vetë natyrën e Kishës,
sepse Krishti i dërgoi nxënësit e vet t’ia predikonin Ungjillin mbarë popujve të botës.
E urdhëri i tij mbetet aktual për të gjithë besimtarët.