Kardinali Cé në ushtrimet shpirtërore në Vatikan: barka e Kishës udhëhiqet nga Krishti
edhe në krizat e historisë
Edhe në vështirësitë e kumtimit ungjillor e në orën e provës, barka e Kishës udhëhiqet
gjithnjë nga Krishti i Ngjallur - këtë theksoi kardinali Marco Cé në ditën e tretë
të ushtrimeve shpirtërore në Vatikan.
Vështirësitë që
ndeshen gjatë predikimit të Ungjillit dhe guximi i fesë në Zotin, edhe ndër provat
që duhet të kapërcejnë Kisha e ata që i shërbejnë, ishin temat kryesore të meditimeve
të sotme që u mbajtën para Papës dhe Kuries Romake në Vatikan. Duke shpjeguar nevojën
e ungjillëzimit të ri, në situatën e krizës së sotme, kardinali Cé theksoi se Kisha
është e thirrur ta bëjë këtë ugjillëzim:***“Ftesa për të ndërmarrë me besim e guxim
impenjimin për ungjillëzimin e ri, mbështetet tek besimi në forcën e fjalës së
Zotit. Shërbimi ynë meshtarak – vijoi kardinali – në të sotmen tonë, është gjesti
i Krishtit që del të hedhë farën e Fjalës së Zotit. Deri dështimet janë pjesëmarrje
në mundimin e Tij e në besnikërinë e Tij ndaj Atit, edhe atëherë kur nuk arrihet suksesi,
me sigurinë se Fjala e Zotit ka një pushtet i cili i tejkalon forcat tona; prandaj
fara mbin vetvetiu, rritet e jep fryt. Të mos turbullohemi, pra, nga nisma jonë e
vogël. Forca që mposht humnerën ndërmjet veprimtarisë sonë e efektshmërisë së mbinatyrshme
të shërbimit tonë meshtarak, vjen nga Zoti!***Këtë theksoi kardinali Cé, i cili në
vijim shtoi:***“Të kujtojmë se në shërbimin tonë ka kuptim edhe kryqi i lodhjes,
edhe mundi fizik i shërbëtorit të Ungjillit, i cili shpesh herë nuk njeh orare. Ka
kuptimin e vet edhe dështimi. Virgjëra Mari ishte e bindur për vogëlsinë e saj. Ishte
thjeshtë shërbëtorja e Zotit, por Ai që është i gjithëpushtetshëm u shërbye pikërisht
prej saj prej heshtjes së saj, prej lutjes së saj, për të bërë gjërat më të mëdha
në historinë e njerëzve”.***