Тэлемост памiж Ватыканам i Расеяй, а таксама iншымi краiнамi.
У Санкт-Пецярбургскiм касцёле св.Кацярыны, якi знаходзiцца на Неўскiм прашпекце,
11 сакавiка збяруцца ўдзельнiкi тэлемосту з удзелам Свяцейшага Айца Бенедыкта XVI°.
Тэлемост прысвячаны IV° Еўрапейскаму дню унiверсiтэтаў. “Гэта першы падобны тэлемост
з удзелам новага Папы Рымскага. У сувязi з гэтым ёсць асаблiва важным, што з расейскiх
гарадоў быў абраны менавiта Санкт-Пецярбург”, - адзначыў адзiн з арганiзатараў тэлемосту
з рассейскага боку спадар Iлля Строгаў. Па ягоных словах, тэлемост аб’яднае ў
малiтве жыхароў Балгарыi, Германii, Iрландыi, Гiшпанii, Кенii, Кот-д’Iвуара, Нiгерыi,
Польшчы, Расеi i Францыi. “У гэты дзень студэнты будуць адгаворваць ружанцовыя
малiтвы разам з Папам, якi будзе знаходзiцца ў Ватыкане. Прамы эфiр пецярбургскай
моладзi з Папам будзе доўжыцца шэсць мiнут, пад час якiх Свяцейшы Айцец звернецца
да пецярбургскай моладзi, а студэнты будуць мець магчымасць задаць яму пытаннi”, -
паведамiў сп. Строгаў. Трансляцыя тэлемосту будзе весцiся на ўсю Еўропу пры дапамозе
спадарожнiкаў i ў тых краiнах Афрыкi, дзе гэта дазволяць здзейснiць тэхнiчныя магчымасцi. Ружанцовая
малiтва з Бенедыктам XVI° таксама будзе транслiрвацца праз Iнтернэт. Мяркуецца, што
агулам тэлемост будзе працягвацца 2 гадзiны 15 мiнут.