У Бельгii знойдзена невядомая карцiна з выявай св.Францiшка Ксаверыя.
У доме айцоў-езуiтаў у Брюгге /Бельгiя/ знойдзена карцiна фламандскага мастака Карнэлiя
Схюта (гады жыцця 1597 – 1655), на якоў выяўлены св.Францiшак Ксаверый пад час хросту
iндыйцаў. Карцiна напiсана маслам на палатне, памеры якога 104 на 82 см. Гэта так
званы “боццетто” – значыць падрыхтоўчы эскiз для алтарнай карцiны, замоўленай мадрыдскiмi
езуiтамi для касцёла св.Францiшка Ксаверыя, асьвячанага ў Мадрыдзе ў 1651 годзе. Вядомы
мастак-езуiт Данiэл Сегерс быў пасрэднiкам пры аплаце i дастаўцы карцiны. Праз некаторы
час яна была перанесена на лесьвiцу Коллехiо Iмперiаль, якая знаходзiцца абок са згаданым
касцёлам. Пасля забароны Таварыства Езуса ў 1773 годзе карцiна апынулася ў парафiяльным
касцёле Святога Крыжа ў Ретамарэ, гарадке на ўскраiне Мадрыду, а потым была знiшчана
пад час Гiшпанскай грамадзянскай вайны. У якасцi мастака Корнелiс Схют, якi, магчыма,
быў вучнем славутага Петера Пауля Рубенса, карыстаўся даверам айцоў-езуiтаў. Ягоныя
працы магчыма знайсцi ў касцёлаў фламандскiх езуiтаў у Антвэрпене, Генте, Iеперы i
Лiры, а таксама ў езуiцкiм касцёле ў Кёльне. Акрамя таго, ён пiсаў карцiны для антверпенскага
дома Таварыства Езуса. Мастак захапляўся айцамi-езуiтамi, нават назваў свайго трэццяга
сына Iгнатам, у гонар заснавальнiка Таварыства Iгната Лайолы. Якiм чынам згаданае
“боццетто” апынулася ў Брюгге невядома.