У Кiеве адчынiцца выстава, прысвечаная пераследаванням Грэка-каталiцкай Царквы.
3 сакавiка ў Культурна-мастацкiм цэнтры Нацыянальнага унiверсiтэта “Кiева-Магiлянская
акадэмiя” адбудзiцца адкрыццё выставы “Рэпрэсiраваная Царква”, прысвечанай 60-годдзю
пачатку массавых рэпрэсiй камунiстычнай улады супраць вернiкаў i Царквы ў Заходняй
Украiне. Выставу падрыхтаваў Львоўскi музэй гiсторыi рэлiгii. Акрамя музэйных
калекцый, на выставе прадстаўленыя матэрыялы з архiва Iнстытута гiсторыi Царквы Украiнскага
каталiцкага унiверсiтэта, музэя сакральнага мастацтва Львоўскай духоўнай семiнарыi
Святога Духа Украiнскай грэка-каталiцкай Царквы. “Экспанаты выставы дэманструюць
iдэйныя i арганiзацыйныя асновы рэпрэсiўнай палiтыкi КПСС супраць вернiкаў i Царквы,
знаёмяць наведвальнiкаў з трагiчнымi падзеямi 1945-1949 гг. у Заходняй Украiне, асвятляюць
падзеi, злучаныя з лiквiдацыяй УГКЦ, паведамляюць аб дзейнасцi i непахiснасцi “катакомбнай”
Царквы i аб легалiзацыi яе на мяжы 80-90 гг. ХХ стагоддзя”, - гаворыцца ў паведамленнi
iнфармацыйнага аддзела Львоўскага музэя гiсторыi рэлiгii. Выстава будзе працаваць
у рамках Мiжнароднай навуковай канфярэнцыi “Насiлле ўлады супраць свабоды сумлення:
рэпрэсiўная палiтыка Савецкай дзяржавы адносна хрысцiянскiх Цэркваў i вернiкаў”, якая
пройдзе ў Кiеве з 3 да 5 сакавiка. Арганiзатарамi канфярэнцыi з’яўляюцца Нацыянальны
унiверсiтэт “Кiева-Магiлянская акадэмiя” i Украiнскi каталiцкi унiверсiтэт. Удзел
у канфярэнцыi прымуць вядомыя навуковыя супрацоўнiкi з Кiева, Львова, Палтавы, Запарожжа,
Вужгарада, Масквы, Санкт-Пецярбурга, Люблiна.