Papa i thërret të krishterët
në kohën e Kreshmeve ta dëshmojnë të vërtetën e Ungjillit dhe solidaritetin ndaj më
të varfërve e ta luftojnë të keqën me lutje, agjërim e pendesë.
Papa Ratcinger
kryesoi ritet liturgjike të Kreshmëve të së Mërkurës së Përhime në Aventin të Romës
dhe i ftoj besimtarët të ndërmarrin udhën pendestare për t’u nisur shpirtërisht drejt
Kalvarit, duke medituar misteret qendërore të fesë.
Benedikti XVI dënon diskriminimet
racore nëpër stadiume të sportit dhe i kërkoi botës së futbollit të promovojnë edukimin
në vlera të vërteta si “respekti e dialogu”. Kështu shkruan Papa me rastin e ndeshjes
së sotme miqësore të futbollit ndërmjet Italisë e Gjeramanisë në këtë qytet.
Kreshmët
në kryedioqezën e Tivarit në Mal të Zi në shenjë pendese, agjërimi e lutjeje për t’u
përgatitur për Pashkë të Ngjalljes së Krishtit.
Ndryshime politike në Kosovë:
LDK-ja ka kërkuar sot dorëheqjen e kryetarit të Kuvendit të Kosovës, Nexhat Daci,
ndërsa AAK-ja ka kërkuar dorëheqjen e kryeministrit Bajram Kosumi
Presidenti
amerikan Bush në Indi pas vizitës së shkurtër në Kabul ku pohoi se Bin Ladeni do të
nxirret para drejtësisë.
Përsëri të vdekur në Irak. Të paktën 23 vetë u vranë
e 48 u plagosën në tri shpërthime sot në Bagdad. Saddam Hyseini pranoi para gjykatës
se ka urdhëruar vrasjen e 148 shiitëve të Dujailit në vitin 1982