“Бог крочыць абок з усiмi, хто жыве за гэтай зямле, - з вернiкамi i тымi, што не
вераць, блiзкiмi i далёкiмi, з тымi, хто сее i з тымi, хто жне, - бо ўсе заклiканы
на свята жыцця, якое дорыць нам Айцец Нябесны”, - гэтыя словы належаць Свяцейшаму
Айцу Бенедыкту ХVI°, з iмi ён звярнуўся да кардынала Хайме Лукаса Ортэгi i Аламiно,
старшынi Бiскупскай канфярэнцыi Кубы ў сувязi з 20 гадавiнай Агульнакубiнскага царкоўнага
спаткання, якое праходзiла ў сталiцы гэтай цантральнаамерыканскай краiны. У сваiм
лiсце Папа падкрэслiвае, што “чалавечая рэчаiснасць поўная падзеяў, i мы заклiканы
перажываць iх як збаўчыя, бо час i гiсторыя напоўненыя боскай прысутнасцю, якая падтрымлiвае
ды ўмацоўвае нас… Рэчаiснасць, - працягнуў сваю думку Свяцейшы Айцец, - гэта “шлях
абяцанняў i збаўлення, па якiм трэба крочыць клапатлiвым i поўным спачування чынам,
каб адкрыць па дарозе знакi i сiгналы жывога Бога, што крочыць разам з чалавецтвам”.
У сувязi з гэтым Бенедыкт XVI° нагадвае аб заклiку, з якiм Папа Ян Павел II° звярнуўся
да кубiнцаў i ўсяго чалавецтва пад час свайго наведвання Кубы ў 1998 годзе: “Няхай
Куба адкрыецца свету, а свет адкрыецца Кубе”. Размова iдзе аб такiм “адкрыццi, якое
патрабуе перад усiм падумаць, як адкрыць сваё сэрца i розум справе Бога; як – для
тых, што жывуць разам – адкрыцца адзiн аднаму, у поўнi веры i даверу, нягледзячы на
ўсе магчымыя адрозненнi ў светапоглядзе цi веры; i, урэшце, як адкрыцца сусветнаму
грамадству, з няпростай задачай прыняць ягоныя магчымасцi i, у той жа час, ягоныя
цяжкасцi”, - зазначыў Бенедыкт XVI°.