Агульная аўдыенцыя ў сераду 22 лютага ( назначэньне новых кардыналаў)
Адбылася яна ў двух частках. З пачатку Папа Бэнэдыкт 16 сустрэўся ў Ватыканскай Базыліцы
Сьвятога Пятра з групаю італьянскіх студэнтаў, якіх было больш за тры тысячы ды, як
гэта можна сказаць. з індывідуальнымі пілігрымамі. Затым ў зале імя Папы Паўла
6 з іншымі пілігрымамі, якіх было каля 9 тысяч. Сёньняшнюю катэхэзу Сьвяцейгы Айцец
прысьвяціў Катэдры Сьвятога Пятра, сьвята якой ўшаноўваецца менавіта 22 лютага. На
прыканцы аўдыенцыі Папа абьявіў аб назначэньні новых кардыналаў, якія будуць ўзьведзеныя
ў кардынальскую годнасьць у часе наступнае Кансысторыі, што адбудзецца 24 сакавіка.
Гэтым назначэньнем- сказаў Папа Бэнэдыкт 16—жадаю павысіць да 120 лік членаў-выбаршчыкаў
Кардынальскае Калегіі, лік, які ўстанавіў Папа Павал 6. Сярод новых кардыналаў
знаходзяцца, між іншым: Монс. Улліям Левада, Прэфэкт Кангрэгацыі Дактрыны
Веры Монс. Родэ, Прэфэкт Кангрэгацыі да спраў Тнстытутаў Пасьвячанага Жыцьця
і Таварыства Апостальскага Жыцьця. Монс. Станіслаў Дзівіш, арцыбіскуп Кракава, ды
многа іншых, галоўным чынам, архіяпіскапаў галоўных дыяцэзый сьвету. Было назначаных
12 новых кардыналаў, з правам голасу выбару. Апрача іх Папа
назначыў таксама трох кардыналаў, якім больш за 80 гадоў. Адпаведна са Статутам Каталіцкай
Царквы яны лічацца “на пенсіі”, “у адстаўцы” . Аднак дзеля іхніх багаслоўскіх ды
іншых заслугаў Сьвяцейшы Айцец пажадаў аказаць ім такі гонар. Усе нованазначаныя
кардыналы адслужаць з Папам, 25 сакавіка, ў Сьвята Дабравешчаньня, Сьвятую Імшу. На
заканчэньне аўдыенцыі Папа Бэнэдыкт 16 сказаў сваю прамову ў іншых мовах ды прывітаў
усіх, асабліва хворых, моладзь ды новыя шлюбныя пары, надзяляючы на ўсіх сваё Апостальскае
Блаславенства.