Адбылася яна ў двух частках. З пачатку Папа Бэнэдыкт 16 сустрэўся ў Ватыканскай
Базыліцы Сьвятога Пятра з групаю італьянскіх студэнтаў, якіх было каля 6 тысяч, ды
з пілігрымамі, якія прыбылі ў Вечны Горад з законнікамі са Зграмаджаньня “Братоў Сьвятога
Яна”. Затым у зале імя Папы Паўла VI з іншымі пілігрымамі, якіх было больш за 9
тысяч. Сёньняшняя катэхэза была апошняю з цыклу катэхэзаў, якія былі прысьвечаныя
Псальмам. Гэты цыкл запачаткаваў Папа Ян Павал ІІ 28 сакавіка 2001 году. Сёньняшняя
катэхэза была прысьвечаная “Маніфікату”- Песьні падзякі Госпаду, якая гучыць наступна:
Сьпеў
падзякі Марыі “Маніфікат” ўпісваецца ў ход біблійнае духоўнасьці “анавім”—значыць
убогіх духам, якія маюць глыбокую пакору і ёсьць адкрытыя на дзеяньне Божае Ласкі.
Менавіта збаўчае дзеяньне Бога зьяўляецца прадметам малітвы абажаньня, якую высказвае
Марыя. Спачатку яна хваліць Бога за цуд, які Ён зьдзейсьніў у Ёй самой, клічачы
яе на Маці Збавіцеля. Марыя мае аднак сьвядомасьць- сказаў далей Папа—што гэтае Божае
дзеяньне зьдзяйсьняецца не для Яе самой, але для збаўленьня ўсіх людзей: “міласэрнасьць
Яго з пакаленьня ў пакаленьне” згодна з абяцаньнем складзеным “Абрагаму і нашчадкам
яго давеку”. Касьцёл ад вякоў- сказаў на заканчэньне сваёй катахэзы Сьвяцейшы Айцец—безупынна
паўтарае за Марыяю гэтае пакорнае абажаньне Бога, які збаўляе.
На заканчэньне
аўдыенцыі Папа Бэнэдыкт 16 сказаў сваю прамову ў іншых мовах ды прывітаў ўсіх, асабліва
хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.