Vijojnë në Adelaide, në Australi, kremtimet për Ditën e 14-të botërore të të sëmurit
me temë : “Shëndeti mendor dhe dinjiteti i njeriut”.
Do të arrijnë kulmin nesër, më 11 shkurt, ditën e kujtimit liturgjik të Zojës Lurdë.
Papa jep me këtë rast ndjesën e plotë. Ndërkaq në Qëndrën e takimve në Adelaide vijojnë
diskutimet dhe dëshmitë e njerëzve të cilët i kanë jetuar problemet dramatike që lidhen
me sëmundjet mendore. Mjafton të kujtojmë se vetëm në Oqeani, ku zhvillohen kremtimet,
Organizta Botërore e Shëndetit ka regjistruar 7 milion raste të sëmundjeve psikike
dhe një milion raste të depresionit nervor. Këtyre nevojave të jastzakonshme për kujdes,
Kisha katolike u përgjigjet me 2. 064 struktura shëndetësore katolike, 152 nga të
cilat janë spitale, 406 ambulanca, 2 qëndra për mjekimin e gërbulës, 381 shtëpi për
të sëmurë në prag të vdekjes, invalidë e të moshuar, 64 jetimore, 87 strehë për fëmijë
pa familje, 260 këshillimore martesore, 554 qëndra të specializuara riedukimi, 58
institucione të ndryshme.