Sot mijëra besimtarë i dhanë lamtumirën e fundit Don Andrea Santoros në bazilikën
romake të Shën Gjonit në Lateran; Meshën e salikimeve e kryesoi kardinali Kamilo Ruini.
Meshën e salikimeve e kryesoi kardinali Kamilo Ruini, i cili theksoi në mënyrë të
veçantë shembullin e guximit të krishterë, që i dha Kishës meshtari i vrarë dhe njoftoi
se mendon të hapë çështjen e lumnimit të tij. Kardinali kujtoi çastet më të rëndësishme
të jetës së meshtarit misionar, që nga studimet në seminar - tek çasti kulmor, kur
dha shembullin e njeriut të lidhur ngusht me Krishtin, në të cilën çdo besimtar gjen
forcë për ta përballuar si i krishterë i vërtetë rrugën e vështirë të jetës, deri
në dhurimin e saj. Hirësia e Tij e përfundoi homelinë duke kujtuar me zë që i
dridhej nga emocioni, fjalët e nënës së don Andreut: ***“Nëna e don Andreut
e fal me gjithë zemër njeriun që u armatos për t’i vrarë të birin dhe i vjen thellësisht
keq për të, duke qenë edhe ai bir i të vetmit Zot, që është dashuri”.