Argumentet kryesore të 10 shkurtit: këtu mund të dëgjoni emisionin e plotë.
Në Kosovë u zgjodh
presidenti i ri. Fatmir Sejdiu bëhet trashigimtar i vijës politike të përuruar nga
Presidenti Ibrahim Rugova.
Shërbimi i fesë është shërbim gëzimi” kështu
tha Papa Benedikti i XVI në audiencën e sotme me pjesëmarrësit e mbledhjes plenare
të Kongregatës së Vatikanit për Doktrinën e Fesë.
Akti i fundit i dashurisë
i priftit italian dom Andrea Santoro vrarë në Turqi: nëna e meshtarit e fali vrasësin
e të birit. Sot paradite u krye riti i salikimit nga Kardinali Ruini. Por në Turqi
vijojnë sulmet ndaj misionarëve. Mësohet se meshtari kroat Dom Martin Kmetec u kërcënua
me vdekje nga një grup nacionalistësh, të cilët hynë me dhunë në qelën e tij në Izmir.
Të bëhen përpjekje të reja ndërkombëtare ndaj varfërisë në mënyrë të veçantë
në Afrikë, kontinent i përjashtuar nga politikat e zhvillimit ekonomik: kështu u shpreh
vëzhguesi i përhershëm i Selisë së Shenjtë pranë OKB-së Imzot Celestino Migliore.
Nesër
paradite (11/2/2006) në orën 11.00 në katedralen e Zemrës së Krishtit dhe Zojës së
Bekuar në La Storta, në periferi të Romës, shugurohet meshtar diakoni i ri nga Shkreli
i Shqipërisë, Dom Lulash Brrakaj.