У суботу, 4 лютага, з iтальянскага горада Мачэрата накiраваўся пеша ў Пекiн мясцовы
пенсiянер Ульдэрыко Ламбертуччы. Адлегласць у 13 тысяч кiлометраў ён спадзяецца пераадолiць
за 11 месяцаў, праходзячы ў дзень у сярэднiм каля 50 кiлометраў. Мэта спадара Ламбертуччы
– наведаць магiлу свайго земляка, айца-езуiта Маттэо Рыччы, якi дабраўся з Еўропы
да Паднябеснай iмперыi напрыканцы ХVI стагоддзя, пражыў некалькi дзясяткаў гадоў у
Кiтаi, дзе памёр i быў пахаваны. Шлях Ульдэрыко Ламбертуччы будзе праходзiць праз
Славенiю, Харватыю, Венгрыю, Малдову, Украiну, поўдзень Расеi i Казахстан. Мяжу с
Кiтаем ён спадзяецца перакрочыць 25 лiпеня бягучага года, у дзень свайго 60-годдзя. Пiлiгрым
разлiчвае, што падарожжа непасрэдна па кiтайскай зямле да Пекiну возьме ў яго прыблiзна
чатэры месяца. На ўсялякi выпадак, на ўсiм шляху яго будуць суправаджаць двое сяброў,
якiя будуць ехаць у адмысловым аўтафургоне. Наша даведка: iтальянскi мiссiянар-езуiт
Маттэо Рыччы нарадзiўся 6 кастрычнiка 1552 года ў г. Маччэрата ў 19 гадоў уступiў
у Таварыства Езуса i быў накiраваны ў Рымскi езуiцкi калегiюм на вучобу, дзе выявiў
выдатныя здольнасцi да дакладных навук i механiкi. Пасля 8 гадоў навукi ён накiраваўся
ў Гоа, дзе на працягу 4 гадоў вывучаў кiтайскую мову. У Кiтай а.Рыччы трапiў у 1583
годзе. Праз параўнальна кароткi час ён, дзякуючы сваiм ведам, набыў такi вялiкi аўтарытэт
пры iмпратарскiм двары, што тагачасны iмператар Ван Лi надаў яму тытул мандарына,
адначасова дазволiўшы заснаваць у Пекiне езуiцкi каллегiюм, дзе вучылiся дзецi кiтайскiх
арыстакратаў i проста таленавiтыя хлопчыкi. Памёр а. Маттэо Рыччы ў 1610 годзе, пражыўшы
ў Кiтаi 27 гадоў.